Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

"Ҩымчыбжьа аҿҳәара раҳҭоит": Аҵара аминистр арҵаҩцәа алаҵа ҟарҵарц рабжьигеит

© Sputnik / Томас ТхайцукИнал Габлия
Инал Габлия - Sputnik Аҧсны, 1920, 26.01.2022
Анапаҵаҩра
НовостиTelegram
Аҟәатәи ашколқәа ажьырныҳәа 27 инаркны жәабран 4 рҟынӡа акарантин ахь ишьҭуп.
АҞӘА, ажьырныҳәа 26 - Sputnik. Арҵаҩцәа зегьы акоронавирус аҟынтәи алаҵа ҟарҵароуп ҳәа аҳәамҭа ҟаиҵеит Аԥсны аҵареи абызшәатә политикеи рминистр Инал Габлиа "Аԥсныпресс" аинтервиу анеиҭоз.
Иара ари атәы иҳәеит атәыла асанитартә ҳақьым хада Лиудмила Скорик лабжьгарақәа ҳасаб рзуны.

"Лиудмила Вильберт-иԥҳа изныкымкәа илҳәахьан алаҵа ҟазымҵац арҵаҩцәа аусура иҭымҵлар шакәу. Аус рур рҭахызар, алаҵа ҟарҵароуп. Ҩымчыбжьа аҿҳәара раҳҭоит алаҵа ҟарҵарц. Ачымазара еиҳа-еиҳа аҽеиҵнахуеит, убри азы уаҳа ԥсыхәа ыҟам, алаҵа ҟаҵатәуп", - иҳәеит Инал Габлиа.

Уи адагьы иара иазгәеиҭеит атәылаҿы 83-ҩык арҵаҩцәа шычмазаҩу, Гагра араион аҿы мчыбжьык ҳәа ашколқәа шарку, Аҟәа ашколқәа ажьырныҳәа 27 инаркны жәабран 4 рҟынӡа ишаркызаауа.
Габлиа иажәақәа рыла, егьырҭ араионқәа рҟны аковидҭагылазаашьа ҭышәынтәалоуп.
"Атәыла зегь аҿы иааидкыланы 150-ҩык ашколхәыҷқәа чмазцәоуп. Ҳара аҳақьымцәа ҳрацәажәеит, ашәарҭара аҵоуп ҿыц ицәырҵыз омикрон-штамм, уи ирласны алаҵәара иаҿуп", - иҳәеит аминистр.
Инал Габлиа иажәақәа рыла, аминистрра есҽны атәылаҿы аҭагылазаашьа иацклаԥшуеит.
В школах Забайкалья прекращены занятия после выявления в регионе коронавируса - Sputnik Аҧсны, 1920, 26.01.2022
Аԥсны
Аҟәатәи ашколқәа жәабран 4 рҟынӡа иадыркит
Ажәабжьқәа зегьы
0