Микрофон  - Sputnik Аҧсны, 1920
Арадио

Қәҭелиа ахәыҷқәа Урыстәыла арҵагашәҟәқәа рыла реиқәыршәаразы: ашколқәа зегьы ироуеит

Қәҭелиа ахәыҷқәа Урыстәыла арҵагашәыҟәқәа рыла реиқәыршәаразы: ашколқәа зегьы ироуеит
Анапаҵаҩра
Yandex newsTelegram
Аԥсны аҵареи абызшәатә политикеи рминистрра ауаажәларра рымадара аҟәша аиҳабы Аслан Қәҭелиа арадио Sputnik аефир аҿы еиҭеиҳәеит атәыла ашколқәа зегьы Урыстәылатәи арҵагашәҟәқәа рыла аиқәыршәара аус шцо атәы.
"Аԥсны раионк ада ашәҟәқәа зегьы ироухьеит. Уигьы иаарласны мышқәак ирылагӡаны ирыҭахоит. Ашәҟәқәа ршара актәи ахәҭа 1-7 аклассқәа рзы ихыркәшахоит. Ус имариаӡамызт 160 нызқь инареиҳаны арҵагашәҟәқәа ршара. Мызкы аҟара ҳадхалеит. Ашколқәа шьоукы акарантин шрылаҳәазгьы, апроцесс иааиԥмырҟьаӡакәа ицон. Ашколқәа рҟнытә иаарышьҭуан асиақәа шаҟаҩы аҵаҩцәа рымоу, урҭ инарықәыршәаны иаҳшон. 71 маҭәар рыла иҟоу ашәҟәқәа роуан. Жәабранмзазы ашәҟәқәа аҩбатәи ахәҭа ҳазыԥшуп, 8-11 аклассқәа рзы. 100 нызқь цыра аараны иҟоуп. Ари аус Аԥсны ашколқәа зегьы реиқәыршәароуп хықәкыс иамоу. Аусмҩаԥгатә ҳалагаанӡа, араионқәа аҵараҟәшақәа рахь ашәҟәқәа рхыԥшылагақәа шьҭын, арҵаҩцәа ирыҿцәажәартә еиԥш, иарбан шәҟәқәоу иаагахо рзы. Иахьынӡазалшоз, зегьы ҳаиқәшаҳаҭны иара ус баша иааганы абиблиотекақәа рҟны иаанымхаӡакәа, ахархәара аиурцаз иҟаҵоуп. Ашәҟәқәа зегьы ҿыцуп. 2021 шықәса рзы иҭыжьыз роуп", - ҳәа иҳәеит Қәҭелиа.
Цәыббрамза аказы ахәыҷқәа ашколқәа зегьы рҿы 1-7 аклассқәа рзы хәыда-ԥсада ироуеит ирҭаху ашәҟәқәа ҳәа инаҵшьны иазгәеиҭеит Аԥсны аҵареи абызшәатә политикеи рминистрра ауаажәларра рымадара аҟәша аиҳабы.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0