Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аиҳабыраҟны Аԥсни Урыстәылеи рзакәанԥҵарақәа реиԥштәраз аусутә гәыԥ алҵшәақәа ирзааҭгылеит

© Sputnik / Томас ТхайцукКабинет Министров Абхазии
Кабинет Министров Абхазии - Sputnik Аҧсны, 1920, 10.02.2022
Анапаҵаҩра
Аԥсни Урыстәылеи ирзеиԥшу асоциалтәии аекономикатәии ҵакыра ашьақәгылараз Апрограмма анагӡара азҵаарақәа рзы аусутә гәыԥ аилатәара мҩаԥысит Москва, ажьырныҳәа 31 азы.
АҞӘА, жәабран 10 - Sputnik. Аԥсны аԥыза-министр ихаҭыԥуаҩ Кристина Озган, аԥыза-министр Александр Анқәаб "Аԥсны Аҳәынҭқарреи Урыстәылатәи Афедерациеи рыбжьара аҩганк рзакәанԥҵара аишьаршәаларала ишьаҭарку ирзеиԥшу асоциалтәии аекономикатәии ҵакыра ашьақәыргылара Апрограмма анагӡара" азы аусуратә гәыԥ аԥсуа ган алархәны аилацәажәара шымҩаԥысыз атәы изеиҭалҳәеит ҳәа аанацҳауеит амаҵзура "Аԥсныпресс".
Заседание рабочей группы по вопросам реализации Программы формирования общего социального и экономического пространства между Республикой Абхазия и Российской Федерацией - Sputnik Аҧсны, 1920, 01.02.2022
Аԥсны
Азакәанԥҵарақәа реишьашәалара азҵаарақәа ирылацәажәеит аурыс-аԥсуа аусутә гәыԥ
Озган иазгәалҭеит Москва имҩаԥысыз аиԥылараҿы 2021 шықәсазы ишьақәыргылаз Апрограммала иазԥхьагәаҭаз аусмҩаԥгатәқәа рымҩаԥгара аихшьалақәеи 2022-2023 шықәсқәа рзы иазԥхьагәаҭоу аусура ахырхарҭа хадақәеи ралкаара шымҩаԥгаз.
Аусуратә гәыԥ амшхәаԥштә иазҵаарақәаны иқәгылан:
Аԥсны Аҳәынҭқарреи Урыстәылатәи Афедерациеи рыбжьара ҩ-тәылауаҩрак амазаара азҵаарақәа рҭышәныртәаларазы аиқәшаҳаҭра инагӡаны аус адулара;
аҩ-ҳәынҭқаррак ршәахтәқәҵаратә закәанеидкыла аишьашәаларазы аусмҩаԥгатәқәа рхыркәшаранӡа ҩынтәтәи ашәахтәқәҵара ҟамларц азы Аԥсны Аҳәынҭқарреи Урыстәылатәи Афедерациеи рыбжьара Аиқәшаҳаҭра анормақәа рԥышәатә хархәара;
Аԥсны Аҳәынҭқарра иахьаҵанакуа аинвестициатә усура амҩаԥгара;
Аԥсни Урыстәылеи ртәылауаа, аинвесторцәа, иара убас урыстәылатәи еиԥш аԥснытәи акапитал ала аус зуа аилахәырақәеи аилазаарақәеи русзуҩцәа рыла аусура амҩаԥгара иадҳәалоу апроцедурақәа рырмариара иазырхоу жәларбжьаратәи апроектқәа аус рыдулара.
Аусуратә гәыԥ иалацәажәеит:
"Ааглыхраҿы иаку атехнологиақәеи апрограмматә аалыҵқәеи ралагалара аусхкы аҿы аусеицуразы Урыстәылатәи Афедерациа Ахәаахәҭреи ааглыхреи рминистрреи Аԥсны Аҳәынҭқарра Аекономика аминистрреи рыбжьара Амеморандум" аиқәыршәара амҩаԥысшьа;
Аԥсны Аҳәынҭқарра иахьаҵанакуа урыстәылатәи аиҿкаарақәа (аусбарҭақәа) русзуҩцәа рзы амедицинатәи асанатор-курорттә маҵзура аиҿкааразы аҭагылазаашьақәа раԥҵара уахь иналаҵаны, агәабзиарахьчара аусхкаҿы азакәанԥҵара аиӷьтәреи ахарҭәаареи;
Аԥсны иааиԥмырҟьаӡакәа инхо Урыстәылатәи Афедерациа атәылауаа рмедицинатә ԥгаԥса амҩаԥгареи урҭ Урыстәылатәи Афедерациа ихымԥадатәиу амедицинатә ԥгаԥса асистемала Урыстәылатәи Афедерациа амедицинатә усбарҭақәа рҿы амедицинатә цхыраара рыҭареи аганахьала аусеицуразы Аԥсни Урыстәылеи ирыбжьоу Аиқәшаҳаҭра аԥҟарақәа рхархәара.
Иазԥхьагәаҭоу аусмҩаԥгатәқәа рхыԥхьаӡараҿы иҟоуп:
"Аҵарадырразы" Аԥсны Аҳәынҭқарра азакәан адкылара;
Аԥсны Аҳәынҭқарра Аҳазалхратә Закәанеидкыла адкылара;
Агеодезиатәии акартографиатәии аусуреи ақәыԥшыларатә рбагақәеи рызҵаарақәа рҭышәынтәалара алзыршо азакәан адкылара;
Ашәахтә закәанԥҵара аиӷьтәреи ахарҭәаареи;
Ауааԥсыра рсанитар-епидемиологиатә еизҳазыӷьара алыршара аганахьала аусеицуразы аиқәшаҳаҭра аганқәа рақәыршаҳаҭра апроцедура ахыркәшара, уҳәа убас егьырҭгьы.
Аслан Бжьаниеи Владимир Путини реиԥылара ашьҭахь 2020 шықәса абҵарамзазы ишьақәырӷәӷәан Аԥсни Урыстәылеи рыбжьара асоциалтәи аекономикатәии зеиԥш ҵакыра аиҿкаараз Апрограмма.
Ажәабжьқәа зегьы
0