Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

Урыстәыла-украинатәи аиҿцәажәарақәа шьыбжьон шыҟоу иалагароуп

© Foto / @BelarusMID/TwitterЗал, где пройдут переговоры России и Украины
Зал, где пройдут переговоры России и Украины - Sputnik Аҧсны, 1920, 28.02.2022
Анапаҵаҩра
Yandex newsTelegram
Украинатәи аделегациа макьан Белоруссиаҟа имнеицт Урыстәылеи дареи реиҿцәажәаразы.
АҞӘА, жәабран 28 - Sputnik. Урыстәыла-украинатәи аиҿцәажәарақәа жәабран 28 асааҭ жәаҩа рзы иалагароуп ҳәа РИА Новости иазеиеҭиҳәеит Урыстәыла ахада ицхырааҩ Владимир Медински.
Медински иажәақәа рыла, украинатәи аделегациа алахәылацәа макьана рыӡбахә ҳәам.
Урыстәылатәи аделегациа Белоруссиа жәабран 27 аахыс инеины иҟоуп. Амҽыша аиҿцәажәарақәа мҩаԥысраны иҟан, аха урҭ ахыргеит – украинатәи аделегациа ахьахьымӡоз азы. Урҭ Польша аҵакырала инеирц рыӡбеит.
Уаанӡа белоруссиатәи аполитолог Иури Воскресенски РИА Новости иазеиҭеиҳәеит Белоруссиа ахада Александр Лукашенко даниҿцәажәа ашьҭахь Владимир Зеленски анапынҵа шыҟаиҵаз Белоруссиаҟа аделегаци амҩа иқәларц.
Медински иҳәеит Украина аиҿцәажәарақәа Гомелтәи аобласт аҿы имҩаԥгазарц ажәадгала шыҟарҵаз. Урыстәыла ахада ипресс-маӡаныҟәгаҩ Дмитри Песков иазгәеиҭеит уи аԥхьа Лукашенкои Зеленскии ҭелла ишеицәажәаз. Аамаҭқәак рышьҭахь Sputnik Беларуссиа адырра ҟанаҵеит аҿцәажәарақәа мҩаԥысраны иҟоуп аушьҭырҭатә ҭыԥ Александровка-Вильча аҿы ҳәа.
Ажәабжьқәа зегьы
0