Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аҟәа шықәсыбжак аҩнуҵҟа 500 инареиҳаны афымцамчԥхьаӡагақәа ықәдыргылеит

© Sputnik / Владимир Песня / Афотобанк ахь аиасраСчетчик
Счетчик  - Sputnik Аҧсны, 1920, 08.03.2022
Анапаҵаҩра
Yandex newsTelegram
Афымцамчԥхьаӡагақәа аҳәынҭқарра ахарџь ала "Амшынеиқәафымцамч" иаанахәеит. Урҭ раахәараз 2022 шықәсазы ареспубликатә биуџьет аҟынтә иазоужьын 100 миллион мааҭ.
АҞӘА, хәажәкыра 8 - Sputnik. Цәыббра 1 инаркны хәажәкыра 1 аҟынӡа Аҟәа 546 цыра афымцамчԥхьаӡагақәа ықәыргылан ҳәа арадио Sputnik иазеитеиҳәеит "Амшынеиқәафымцамч" алашара аҭира аусбарҭа аиҳабы Алхас Ҷанба.

Апрограмма аҳәаақәа ирҭагӡаны иазгәаҭоуп 1500 цыра афымцамчԥхьаӡагақәа урыстәылатәи аалыҵ "Матрица" аахәара.

Ҷанба иажәақәа рыла, амыруга ҿыцқәа шьақәыргылоуп амҩадуқәа Ешба, Ҭраԥшь, Аргәын, Семерџьиев, Инал-иԥа аҩнқәа рыҟны. Арҭ амҩадуқәа рыҟны ашьаҟа ҿыцқәа ахьарсыз иабзоураны ақәыргыларагь маншәалахеит.
Ингур ГЭС  - Sputnik Аҧсны, 1920, 07.03.2022
Аԥсны
Аԥсны афымцалашара аиуразы иалагалаз аԥкрақәа рыхәҭак аԥыхуп
Иара убас, Ҷанба иҳәеит фымцамчԥхьаӡагак ақәыргылараз ишахшәаахо 2500 - 3000 мааҭ рҟынӡа. Абонентцәа рзын хәыда-ԥсадоуп.

"Амыругақәа рықәыргылараз ахарџь маҷымкәан ицоит, иҟалалоит аифраструктура анымазеимгьы - акабель, ашьаҟақәа - абарҭқәа зегьы аныԥсахтәугьы. Амҩадуқәа рыҟны аҭагылазаашьақәа зегь еиԥшӡам, џьара аныхтә маҷуп, џьара - ирацәоуп", - ҳәа азгәеиҭеит иара.

Аусбарҭа аиҳабы иазԥхьагәаҭарақәа рыла, аԥхынраз афымцамчԥхьаӡагақәа рықәыргылараз апрограмма аус 90% инагӡахоит.
Ажәабжьқәа зегьы
0