Выборы в Народное Собрание Абхазии - Sputnik Аҧсны, 1920
Аԥсны Жәлар Реизарахь алхрақәа-2022
Жәлар Реизарахь алхрақәа мҩаԥгахоит хәажәкыра 12 2022 шықәсазы. Апарламентахь иалххоит 35-ҩык адепутатцәа. АКХ аҟны ашәҟәы иҭарыҩхьеит 123-ҩык акандидатцәа, урҭ рахьынтә 107-ҩык хацәоуп, 16-ҩык аҳәса.

Аԥсны Жәлар Реизарахь алхрақәа рзы абжьыҭара иалагеит

© Sputnik / Томас ТхайцукВыборы в Абхазии
Выборы в Абхазии  - Sputnik Аҧсны, 1920, 12.03.2022
Анапаҵаҩра
Аԥсны Жәлар Реизарахь алхрақәа мҩаԥысуеит хәажәкыра 12 рзы, алхырҭатә ҭыԥқәа аус руеит 8:00 инаркны 20:00 сааҭ рҟынӡа.
АҞӘА, хәажәкыра 12 - Sputnik, Сариа Кәарцхьиаԥҳа. Аԥсны Жәлар Реизарахь алхрақәа рзы абжьыҭара иалагеит.
Аԥсны ахы-аҵыхәа иҟоу алхырҭатә ҭыԥқәа 152 аартын асааҭ 8:00 рзы. Адепутатцәа алырхуеит 35 алхырҭатә ҭыԥ хадақәа рҿы. Абжьыҭара хыркәшахоит асааҭ 20:00 рзы.

Аԥсны Апарламент адепутатрахь иқәгылоуп 123-ҩык акандидатцәа, 107-ҩык хацәоуп, 16-ҩык аҳәса. Бжьаратәла, ҭыԥк ахь хҩык адепутатцәа ықәгылоуп. Акандидатцәа зегь реиҳа иреиҵоу 25 шықәса ихыҵуеит, зегь иреиҳабу - 75.

Алхратә ҭыԥқәа 5, 10, 14 рҟны алхрақәа рахь иқәгылоуп аӡәаӡәа.
Апарламент ахь иалххоит 35-ҩык адепутатцәа. Аԥсны Апарламент адепутатс дҟалар илшоит дарбанзаалак 25 шықәса ирҭысхьоу, алхратә зин змоу атәылауаҩ. Далхуп ҳәа дыԥхьаӡахоит абжьыҭара иалахәыз алхыҩцәа реиҳараҩык рыбжьы зырҭаз. Алхрақәа зышьақәымгылеит ҳәа ишьоуп асиа иану рҟынтәи инеиз рхыԥхьаӡара 25% еиҵазар.
ЦИК Абхазии - Sputnik Аҧсны, 1920, 11.03.2022
Аԥсны Жәлар Реизарахь алхрақәа-2022
Алхратә комиссиа хада аҟны ирҳәеит Аԥсны Жәлар Реизарахь алхрақәа зегь рыла ишазхиоу
Алхратә округ аҿы ҩыџьеи ма инареиҳани ркандидатурақәа ықәгылазар, урҭ рҟынтәи аӡәгьы далхымзар аокругтә алхратә комиссиа аӡбра аднакылоит аиҭалхрақәа рымҩаԥгаразы еиҳа абжьы зауз акандидатцәа еиҭақәыргыланы. Аиҭабжьыҭара мҩаԥысуеит ҩымчыбжь ирхымгакәа.
Депутатс иҟалар ҟалом зус рыӡбахьоу, аҩыжәреи, арҩашьыгақәеи зыҽрыдызцало ҳәа ишьоу, апсихикатә шьақәҟьара змоу.
Абжьыҭара азин рымоуп 18 шықәса ирҭысхьоу атәылауаа.
Ажәабжьқәа зегьы
0