https://sputnik-abkhazia.info/20220326/zegy-aiaaiaait-asny-aparlament-akh-alkhraa-abati-rtur-maysueit-1038318925.html
"Зегьы аиааиааит": Аԥсны Апарламент ахь алхрақәа аҩбатәи ртур мҩаԥысуеит
"Зегьы аиааиааит": Аԥсны Апарламент ахь алхрақәа аҩбатәи ртур мҩаԥысуеит
Sputnik Аҧсны
Аԥсны Жәлар Реизарахь алхрақәа аҩбатәи ртур мҩаԥысуеит хәажәкыра 26 рзы. 26.03.2022, Sputnik Аҧсны
2022-03-26T11:00+0300
2022-03-26T11:00+0300
2022-03-26T11:05+0300
аԥсны жәлар реизарахь алхрақәа-2022
ажәабжьқәа
аԥсны
ауаажәларра
аполитика
https://cdnn1.img.sputnik-abkhazia.info/img/07e6/03/1a/1038337078_0:85:1620:996_1920x0_80_0_0_c1207a73ae4918c29000b9a8612ed90c.jpg
Алхратә ҭыԥқәа аартын Аԥсны алхратә ҭыԥ хадақәа 17 рҿы асааҭ 8:00 рзы.Асмаҭ Ҵәыџьԥҳа, Sputnik.Иазгәаҭаз аамҭа иақәыршәаныАҳабла ҿыц аҿы иҟоу алхратә ҭыԥ хада №1 иатәу алхырҭа аартын ишазгәаҭаз еиԥш асааҭ 8:00 рзы. Алхратә комиссиа алахәылацәеи алхыҩцәа рсиақәеи зегь рҭыԥ аҿы иҟан, аҩналарҭаҿы амилицаа гылан, иара убас раԥхьатәи алхыҩцәагьы ааихьан. Алашарагьы, абжьааԥны ишдырцәалоз еиԥш, убри аамҭа иақәыршәаны идырцәеит. Раԥхьа инеиз алхыҩцәа зег хацәан. Дара алхырҭатә ҭыԥ аадыртаанӡагьы иадеизалахьан, ҭаҭынк иахон, ари аполитикатә хҭыс иалацәажәо игылан.Шьыжьнаҵы ауаа рааишьа бзиоуп ҳәа уҳәар ауеит, жәаминуҭк рыла 20-ҩык инареиҳаны рыбжьы арҭахьан.Аҩынтә раан абжьыҭирахь шәзааи ҳәа ҳзазҵаауаз зегьы ирҳәон ртәылауаҩратә уалԥшьа нарыгӡар шырҭаху."Иаҭаххаргьы, хынтәгьы ҳааиуеит. Ҳара ҳабжьы шаҳҭииз еиԥш ауп ҳ-Парламентгьы зеиԥшрахо", - ҳәа азгәеиҭеит алхҩык. Алхрақәа рыԥҟарақәаАԥсны Жәлар Реизарахь алхрақәа аҩбатәи ртур мҩаԥысуеит хәажәкыра 26 рзы. Алхратә ҭыԥқәа аартын алхратә ҭыԥ хадақәа 17 рҿы асааҭ 8:00 рзы. Зынӡа 64 алхырҭатә ҭыԥқәа рҿы абжьыҭира мҩаԥысуеит.Хәажәкыра 12 рзы еиҳа абжьы зауз акандидатцәа Жәлар Реизара 17 ҭыԥ рахь иқәгылоуп 34-ҩык. Урҭ рҟынтәи ԥшьҩык ҳәсақәоуп, 30-ҩык хацәоуп.Азакәан инақәыршәаны, бжьы заҵәык ала еиҳахаз акандидат даиааит ҳәа дыԥхьаӡоуп. Абжьыҭара инеираны иҟоуп ҳәа алхыҩцәа рхыԥхьаӡара иазԥҵәоу ыҟаӡам.Аԥсны Жәлар Реизарахь алхрақәа мҩаԥысит хәажәкыра 12 рзы. 35 ҭыԥ рзы иқәгылан 123-ҩык акандидатцәа. 17 алхратә ҭыԥ хадақәа рахь адепутатцәа алхуп, даҽа 17 рҿы аҩбатәи атур мҩаԥысуеит, даҽакаҿы - аиҭалхрақәа.
https://sputnik-abkhazia.info/20220326/asny-akkh-zhlar-reizarakh-alkhraa-abati-rtur-amagarazy-alkhrat-ya-zegy-aartup-1038317507.html
https://sputnik-abkhazia.info/20220325/abati-atur-zhlar-reizarakh-alkhraa-rzy-idyrtu-1038277564.html
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, аԥсны, ауаажәларра, аполитика
ажәабжьқәа, аԥсны, ауаажәларра, аполитика
"Зегьы аиааиааит": Аԥсны Апарламент ахь алхрақәа аҩбатәи ртур мҩаԥысуеит
11:00 26.03.2022 (ирҿыцуп: 11:05 26.03.2022) Аԥсны Жәлар Реизарахь алхрақәа аҩбатәи ртур мҩаԥысуеит хәажәкыра 26 рзы.
Алхратә ҭыԥқәа аартын Аԥсны алхратә ҭыԥ хадақәа 17 рҿы асааҭ 8:00 рзы.
Иазгәаҭаз аамҭа иақәыршәаны
Аҳабла ҿыц аҿы иҟоу алхратә ҭыԥ хада №1 иатәу алхырҭа аартын ишазгәаҭаз еиԥш асааҭ 8:00 рзы. Алхратә комиссиа алахәылацәеи алхыҩцәа рсиақәеи зегь рҭыԥ аҿы иҟан, аҩналарҭаҿы амилицаа гылан, иара убас раԥхьатәи алхыҩцәагьы ааихьан. Алашарагьы, абжьааԥны ишдырцәалоз еиԥш, убри аамҭа иақәыршәаны идырцәеит.
Раԥхьа инеиз алхыҩцәа зег хацәан. Дара алхырҭатә ҭыԥ аадыртаанӡагьы иадеизалахьан, ҭаҭынк иахон, ари аполитикатә хҭыс иалацәажәо игылан.
Шьыжьнаҵы ауаа рааишьа бзиоуп ҳәа уҳәар ауеит, жәаминуҭк рыла 20-ҩык инареиҳаны рыбжьы арҭахьан.
- Анцәа иҳәааит, иахьа зегь аиааира рго! – ҳәа дныҳәаныԥхьеит алхҩык.
- Усҟан даҽа туркгьы мҩаԥгатәхоит, - рҳәеит аҭакс акомиссиа алахәылацәа.
- Ус акәзаргьы, зегь аиааиааит!
Аҩынтә раан абжьыҭирахь шәзааи ҳәа ҳзазҵаауаз зегьы ирҳәон ртәылауаҩратә уалԥшьа нарыгӡар шырҭаху.
"Иаҭаххаргьы, хынтәгьы ҳааиуеит. Ҳара ҳабжьы шаҳҭииз еиԥш ауп ҳ-Парламентгьы зеиԥшрахо", - ҳәа азгәеиҭеит алхҩык.
Аԥсны Жәлар Реизарахь алхрақәа аҩбатәи ртур мҩаԥысуеит хәажәкыра 26 рзы. Алхратә ҭыԥқәа аартын алхратә ҭыԥ хадақәа 17 рҿы асааҭ 8:00 рзы. Зынӡа 64 алхырҭатә ҭыԥқәа рҿы абжьыҭира мҩаԥысуеит.
Хәажәкыра 12 рзы еиҳа абжьы зауз акандидатцәа Жәлар Реизара 17 ҭыԥ рахь иқәгылоуп 34-ҩык. Урҭ рҟынтәи ԥшьҩык ҳәсақәоуп, 30-ҩык хацәоуп.
Азакәан инақәыршәаны, бжьы заҵәык ала еиҳахаз акандидат даиааит ҳәа дыԥхьаӡоуп. Абжьыҭара инеираны иҟоуп ҳәа алхыҩцәа рхыԥхьаӡара иазԥҵәоу ыҟаӡам.
Аԥсны Жәлар Реизарахь алхрақәа мҩаԥысит хәажәкыра 12 рзы. 35 ҭыԥ рзы иқәгылан 123-ҩык акандидатцәа. 17 алхратә ҭыԥ хадақәа рахь адепутатцәа алхуп, даҽа 17 рҿы аҩбатәи атур мҩаԥысуеит, даҽакаҿы - аиҭалхрақәа.
