Микрофон  - Sputnik Аҧсны, 1920
Арадио

Арсалиаԥҳа "Хаҭалатәи аколлекциа" азы: асахьаҭыхыҩ инаҩсгьы аколлекционергьы дфырхаҵоуп

Арсалиаԥҳа "Хаҭалатәи аколлекциа" азы: асахьаҭыхыҩ инаҩсгьы аколлекционергьы дфырхаҵоуп
Анапаҵаҩра
Yandex newsTelegram
Хаҭалатәи аколлекциақәа рҟынтәи асахьаҭыхыҩцәа русумҭақәа рцәыргақәҵа Аҟәа ишеиҿкаахо атәы еиҭалҳәеит Аԥсны асахьаҭыхратә галереиа аиҳабы Ельвира Арсалиаԥҳа.
"Хаҭалатәи аколлекциа" захьӡу аиԥш зеиԥшу раԥхьатәи ацәыргақәҵа аатуеит аҳҭнықалақь аҟны мшаԥы 11 рзы. Иара шьақәгылоит хаҭалатәи аколлекциақәа рҿы иҟоу еицырдыруа аԥсуа ҿыханҵаҩцәа русумҭақәа. Апроект аԥсҭазаара иалырҵәахоит "Аҿиаразы аԥсуа уаажәларратә фонд "Амшра" адгыларала. Уи акураторцәас иҟоуп Баҭал Кобахьиеи Ельвира Арсалиеи.
Ари апроект ҷыда хықәкы хадас иамоу, аҭааҩцәа ирыдгылахо аусумҭақәеи арадио Sputnik аефир аҟны дрылацәажәеит Ельвира Арсалиаԥҳа.
"Араҟа иӡыргахоит ахатәы коллекцақәа рҟны иҵәаху аусумҭақәа. Асахьаҭыхыҩ идагьы иара аколлекционер ихаҭа ари ацәыргақәҵаҿы дфырхаҵан дҟалоит уҳәар улшоит. Уи иара иԥсҭазаара аума, иаамҭа, иԥара зыхҭниҵаз, шықәсы рацәала еизигоз иусумҭақәа изҭаху зегьы ирбаратәы, иҭырҵааратәы иҟалоит", - лҳәеит Арсалиаԥҳа.
Ацәыргақәҵа "Хаҭалатәи аколлекциа" аус аулоит мшаԥы 11 инаркны 22-нӡа.
Аицәажәара иаҳа инарҭбааны аудиофаил аҟны ишәаҳар шәылшоит.
Ажәабжьқәа зегьы
0