Микрофон  - Sputnik Аҧсны, 1920
Арадио

Амқәаб Болонтәи асистемазы: аинформациа нанагоит, аха адырра нанагаӡом

Амқәаб Болонтәи асистемазы: аинформациа нанагоит, аха адырра нанагаӡом
Анапаҵаҩра
Yandex newsTelegram
Аԥсны Болонтәи асистема хра амоу иамаму, асоветтә система иаҿурԥшуазар иаҳа аԥыжәара змоуи, абри азы арадио Sputnik аефир аҿы игәаанагра иҳәеит ААУ ажурналистика акафедра аиҳабы, афилософиатә ҭҵаарадыррақәа рдоктор Гәырам Амқәаб.
Урыстәыла Аҳәынҭқарратә Дума адепутат Витали Милонов ажәадгала ҟаиҵеит Урыстәылазы итрадициаз хәышықәсатәи асистема ырхынҳәызарц иреиҳау аҵараиурҭаҿы.
Милонов игәаанагарала мраҭашәаратәи атәылақәа рҿы урыстәылатәи адипломқәа разхамҵара Болонтәи асистема хра амоу иамаму ҳәа азҵаара цәырнагоит. Уи адагьы занааҭқәак рҵараан хәышықәса еиҵамзароуп ирзоужьу аамҭа.
ААУ ажурналистика акафедра аиҳабы Гурам Амқәаб иажәақәа рыла Болонтәи асистема аԥсуа ҵараиурҭаҿы ирҭахны ирыдрымкылеит, аха Урыстәылатәи аҵаратә системеи аԥсуа ҵаратә системеи еиԥшызароуп ҳәа азгәеиҭеит Амқәаб.
"Ари асистема иадгалаӡомызт ААУ аректори МГУ аректори. Иманшәалан иҟалаӡомызт ҳәа акәын ргәы ишаанагоз, иара ус иагьыҟалеит. Болонтәи асистема змоу, адырра иашьҭоу ҳәынҭқаррақәаӡам. Аинформациа нанагоит, аха адырра нанагаӡом. Астудент иара ихала дашьҭазароуп. Арҵаҩы иуиҭо адырра ахархәара уадаҩуп. Урыстәылеи ҳара ҳҵарадырреи еиԥшызар акәын, избанзар, аԥсуа хәыҷқәа атәыла анҭыҵ иҭалартә еиԥш алшара рымазар акәын", - ҳәа иҳәеит ААУ арҵаҩы.
Милонов игәаанагара итрадициатәу асистемахь агьежьразы ахҳәаа ҟаҵо Гәырам Амқәаб иазгәеиҭеит, асоветтә система иара ишыҟаҵәҟьаз еиԥш архынҳәра ҟалаӡом ҳәа.
"Болонтәи асистема иаҳнаҭаз аԥышәеи асоветтә системеи еидкыланы ауп ишыҟаҵатәу. Асоветтә системала ааӡара адырра мацара азхаӡом иахьа, адырра аҽарҭбааит", - ҳәа иҳәеит Амқәаб.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0