Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Александр Анқәаб ПРООН азинмч змоу ахаҭарнакцәа дырԥылеит

© Foto / Кабинет министров Республики Абхазия Абхазии Александр Анкваб принял делегацию ПРООН во главе с Постоянным представителем Ником Бересфордом
Александр Анкваб принял делегацию ПРООН во главе с Постоянным представителем Ником Бересфордом - Sputnik Аҧсны, 1920, 14.04.2022
Анапаҵаҩра
Yandex newsTelegram
ЕАР аҿиара апрограмма адунеи зегьы аҿы аҳәынҭқаррақәа ирыцхраауеит. Иара апроектқәа реиҳарак аӷарра ақәхра, акризисқәеи урҭ рыхҟьаԥҟьақәеи раԥыхра иазырхоуп.
АҞӘА, мшаԥы 14 - Sputnik. Аԥсны аԥыза-министр Александр Анқәаб идикылеит ЕАР аҿиара апрограмма (ПРООН) аделегациа, зхадараҿы аиҿкаара ахаҭарнак Ник Бересфорд дыҟаз ҳәа аанацҳауеит Аминистрцәа реилазаара апресс-маҵзура.
Аиԥылара далахәын агуманитартә зҵаарақәа рзы жәларбжьаратәи аиҿкаарақәа рнырразы Аԥсны ахада ихаҭарнак Зураб Лакербаиа.
Аиԥылара аҳәаақәа ирҭагӡаны аганқәа инарҭбааны ирылацәажәеит аусеицура аусхкқәа, иалыркааит аԥыжәаратә хырхарҭақәа – ақыҭанхамҩеи агәабзиарахьчареи.
Александр Анқәаб иҳәеит аиҿкаара Аԥсны ауааԥсыра рыԥсҭазаара еиӷьызтәуа апроектқәа аус рыднаулаларц, иазгәеиҭеит ареспублика ашколқәа жәпакы аремонт шырҭаху, ахәшәтәырҭақәа ҳаамҭазтәи ахархәагақәа шырзымхо.
Ник Бересфорд аԥыза-министр иеиҳәеит асеиԥш иҟоу апроектқәа рыплан аус шадыруло, аныхрақәа рысметеи аԥаразоужьра амеханизмқәеи шышьақәыргылахалак ишрыдгалахо.
Александр Анқәаб ПРООН ахаҭарнак ҭабуп ҳәа еиҳәеит атәылаҿ иҟаиҵо ацхырааразы, COVID-19 аҿагылареи ахәшәтәырҭақәеи алабораториақәеи реиқәыршәарази налаҵаны.
Уаанӡа Аԥсны ААР аҳәамҭа ҟанаҵахьан Аԥсны аҵакыраҿы аус зуа еиҳабыратәыми жәларбжьаратәии аиҿкаарақәа рыпроектқәеи рыпрограммақәеи адәныҟаполитикатә усбарҭа ақәшаҳаҭзароуп ҳәа.
Аԥсны аус зуа еиҳабыратәым аиҿкаарақәа Аԥсны ААР ахь инаргароуп русуразы аҳасабырбақәа, аусуҩцәа реилазаара, аԥаразоужьра ахыҵхырҭақәа рзы адыррақәа, ахарџьқәа рхықәкқәа.
Ажәабжьқәа зегьы
0