Урыстәыла аладатәи ахәҭахьы аԥыррақәа ԥкуп мшаԥы 25 рҟынӡа
12:07 18.04.2022 (ирҿыцуп: 12:38 18.04.2022)
© Sputnik / Александр Кряжев
/ Анапаҵаҩра
Апассаџьырцәа рымҩаԥгаразы аԥырратә еилахәырақәа ирабжьгоуп даҽа хырхарҭамҩак рхы иадырхәаларц.
АҞӘА, мшаԥы 18 - Sputnik. Урыстәыла аладатәи ахәҭеи агәахьи аԥыррақәа ԥкуп мшаԥы 25 рҟынӡа ҳәа адырра ҟанаҵоит Росавиациа.
Урыстәыла аладатәи акалҭахь аԥыррақәа аамҭалатәи рыԥкрақәа рыҿҳәара иацҵоуп. Аамҭала аԥыррақәа ԥкуп: Анапа, Белгород, Брианск, Воронеж, Гьеленџьик, Краснодар, Курск, Липецк, Ростов-на-Дону, Симферополь, Елиста", - аҳәоит адырраҭара.
Аусбарҭа иазгәанаҭоит апассаџьырцәа рымҩангаразы аԥырратә еилахәырақәа ирабжьгоуп даҽа хырхарҭамҩак рхы иадырхәаларц, иаҳҳәап, Шәача, Волгоград, Аминералтә ӡқәа, Ставрополь, Москва.
Урыстәыла егьырҭ аҳаиртә баӷәазақәа, жәларбжьаратәиқәагьы налаҵаны, абжьааԥнеиԥш аус руеит.
Росавиациа атәыла аладатәи аҳаирбаӷәазақәа русура ааныркылеит жәабран 24 рзы, урҭ рҵакырақәа шәарҭоуп иԥхьаӡаны.
