https://sputnik-abkhazia.info/20220424/bzhania-asny-iynkho-amshanya-rydyinyaleit-1038778915.html
Аслан Бжьаниа Аԥсны иқәынхо Амшаԥныҳәа рыдиныҳәалеит
Аслан Бжьаниа Аԥсны иқәынхо Амшаԥныҳәа рыдиныҳәалеит
Sputnik Аҧсны
Аиашахаҵара ныҟәызго ақьырсианцәа мшаԥы 24 азы иазгәарҭоит Амшаԥныҳәа - Иаса Қьырса Ибзахара. 24.04.2022, Sputnik Аҧсны
2022-04-24T00:30+0300
2022-04-24T00:30+0300
2022-04-25T10:32+0300
аԥсны
ажәабжьқәа
ауаажәларра
аслан бжьаниа
https://cdnn1.img.sputnik-abkhazia.info/img/07e6/03/1d/1038382488_0:85:1620:996_1920x0_80_0_0_f4e11a818cade00acf995b7ed64f2f1c.jpg
АҞӘА, мшаԥы 24-Sputnik. Аԥсны Аҳәынҭқарра Ахада Аслан Бжьаниа ақьырсиан иашахаҵара ныҟәызго ақьырсианцәеи Амшаԥныҳәа азгәазҭо Аԥсны иқәынхо ажәлари дрыдныҳәалеит, абри атәы аанацҳауеит аҳәынҭқарра ахада исаит.Аҳәынҭқарра ахада Аԥсны жәлар рыгәҭакқәа рынагӡараҿы амчи алшеи рзеиӷьаишьеит, ҳтәыла акәзар - аҭынчреи аинҭәылареи.Амшаԥныҳәа – ақьырсианцәа рзы ихадоу ныҳәароуп. Уаҟа иаарԥшуп ауаҩытәыҩсатә ҭоурых зегьы шьаҭанкыла изыԥсахыз ахҭыс – Анцәа иԥа, Анцәареи ауаҩреи еицызбаз Иаса Қьырса игылара. Иаса Қьырса Ацқьа Мариа дылхылҵит, аԥсыцқьала диит. Иара адгьыл даҭааит ауаа рыԥсқәа ҿихырц, Адами Евеи иҟарҵаз раԥхьаӡатәи агәнаҳа инаркны ауаа зегьы ирықәырҵаз агәнаҳарақәа рхихырц. Аԥсҿыхра алшахартә иҟалеит Иаса Қьырса харак имамкәа аџьар аҿы данкыдырҵа ашьҭахь: ихахьы игеит адунеи ауааԥсыра зегьы рыгәнаҳарақәа, Иара дхазҵаз, Иуасиаҭқәа ирықәныҟәо ажәа риҭеит жәҩангәашәԥхьара шырзаатуа.Иаса Қьырса аџьар аҿы икыдҵареи иԥсреи ҟалеит ахәаша, анышә дамадан аиудеиатә қьабзқәа инарықәыршәаны. Хымш рышьҭахь, иҵаҩцәа неит иԥсыбаҩ ахьынрыжьыз ахаҳәтә дамраҿы, аха дрымбеит… Анаҩс, рҿаԥхьа дцәырҵуеит дыбзаханы. Даҽа 40 мшы иара адгьылаҿ дыҟан, Иуахәама аԥызҵаз, ақьырсианра адунеи аларҵәара зҽазызкыз иҵаҩцәа абжьгарақәа рыҭауа.
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, ауаажәларра, аслан бжьаниа
ажәабжьқәа, ауаажәларра, аслан бжьаниа
Аслан Бжьаниа Аԥсны иқәынхо Амшаԥныҳәа рыдиныҳәалеит
00:30 24.04.2022 (ирҿыцуп: 10:32 25.04.2022) Аиашахаҵара ныҟәызго ақьырсианцәа мшаԥы 24 азы иазгәарҭоит Амшаԥныҳәа - Иаса Қьырса Ибзахара.
АҞӘА, мшаԥы 24-Sputnik. Аԥсны Аҳәынҭқарра Ахада Аслан Бжьаниа ақьырсиан иашахаҵара ныҟәызго ақьырсианцәеи Амшаԥныҳәа азгәазҭо Аԥсны иқәынхо ажәлари дрыдныҳәалеит, абри атәы аанацҳауеит аҳәынҭқарра ахада
исаит.
"Амшаԥныҳәа ду адоуҳатә гәышьҭыхреи ауадаҩрақәа риааиреи иацхраауеит. Ари аныҳәамш азы ҳагәқәа аразреи гәырӷьарылеи иҭәызаауеит, агәалақәа зегь ҳханаршҭуеит", - аҳәоит адныҳәалараҿы.
Аҳәынҭқарра ахада Аԥсны жәлар рыгәҭакқәа рынагӡараҿы амчи алшеи рзеиӷьаишьеит, ҳтәыла акәзар - аҭынчреи аинҭәылареи.
Амшаԥныҳәа – ақьырсианцәа рзы ихадоу ныҳәароуп. Уаҟа иаарԥшуп ауаҩытәыҩсатә ҭоурых зегьы шьаҭанкыла изыԥсахыз ахҭыс – Анцәа иԥа, Анцәареи ауаҩреи еицызбаз Иаса Қьырса игылара. Иаса Қьырса Ацқьа Мариа дылхылҵит, аԥсыцқьала диит. Иара адгьыл даҭааит ауаа рыԥсқәа ҿихырц, Адами Евеи иҟарҵаз раԥхьаӡатәи агәнаҳа инаркны ауаа зегьы ирықәырҵаз агәнаҳарақәа рхихырц. Аԥсҿыхра алшахартә иҟалеит Иаса Қьырса харак имамкәа аџьар аҿы данкыдырҵа ашьҭахь: ихахьы игеит адунеи ауааԥсыра зегьы рыгәнаҳарақәа, Иара дхазҵаз, Иуасиаҭқәа ирықәныҟәо ажәа риҭеит жәҩангәашәԥхьара шырзаатуа.
Иаса Қьырса аџьар аҿы икыдҵареи иԥсреи ҟалеит ахәаша, анышә дамадан аиудеиатә қьабзқәа инарықәыршәаны. Хымш рышьҭахь, иҵаҩцәа неит иԥсыбаҩ ахьынрыжьыз ахаҳәтә дамраҿы, аха дрымбеит… Анаҩс, рҿаԥхьа дцәырҵуеит дыбзаханы. Даҽа 40 мшы иара адгьылаҿ дыҟан, Иуахәама аԥызҵаз, ақьырсианра адунеи аларҵәара зҽазызкыз иҵаҩцәа абжьгарақәа рыҭауа.
