Қырҭтәыла Урыстәыла иаҿагыланы "аҩбатәи афронт" аанартуам

© Sputnik / Наталья Селиверстова / Амедиаҵәахырҭахь аиасраМосковский Кремль и небоскребы делового центра "Москва-сити". В центре: Большой Кремлевский дворец.
Московский Кремль и небоскребы делового центра Москва-сити. В центре: Большой Кремлевский дворец. - Sputnik Аҧсны, 1920, 28.04.2022
Анапаҵаҩра
Уаанӡа Украина ахада Иофис ахада иабжьгаҩ Алексеи Арестович аҳәамҭа ҟаиҵеит Урыстәыла арратә операциа иаҿнаҵы Қырҭтәыла Аԥсни Аахыҵ Уаԥстәылеи архынҳәыр ауеит ҳәа.
АҞӘА, мшаԥы 28 – Sputnik. Қырҭтәыла Урыстәыла иаҿагыланы "аҩбатәи афронт" аанартуам ҳәа азгәарҭеит атәыла анапхгара. Абри атәы аанацҳауеит Sputnik Қырҭтәыла, атәыла аԥыза-министр Иракли Гарибашвили иажәақәа шьаҭас иганы.

"Аҩбатәи афронт ҳәа акгьы аартхом. Даҽа еибашьрак Қырҭтәыла иҟалом. Ари ҳара ҳпозициоуп", - ҳәа иҳәеит аԥыза-министр.

Гарибашвили иҳәеит аибашьра далагар шауаз 2008 шықәсазы агха ду ҟазҵаз уаанӡатәи ахада Михаил Саакашвили, иахьа атәыла анапхгараҿы дыҟазҭгьы. Ачынуаҩ иажәақәа рыла, Саакашвили Қырҭтәылаҟа дхынҳәит амчра ахҳәаразы. Уи иаанагоз даҽа еибашьрак аҟалара акәын.
Аԥыза-министр иҳәеит Қырҭтәыла иахьатәи анапхгара аибашьреи уи иацу арыцҳарақәагьы даҽазнык ахгара шырҭахым.
Граница по реке Ингур  - Sputnik Аҧсны, 1920, 01.03.2022
Аԥсны
Қырҭтәыла ААР аҳәамҭа ҟанаҵеит Аԥсни Аахыҵ Уаԥстәылеи рахь амчра ахы ишанамырхәо азы
Уаанӡа Қырҭтәыла асанкциақәа ирыдымгылеит аекономикатә мзызқәа ҵаҵӷәыс иааганы. Иракли Гарибашвили иҳәеит арҭ асанкциақәа Қырҭтәыла ажәлар ирԥырхагахоит ҳәа.
Ари аӡбара аоппозициатә партиа "Иаку амилаҭтә ҵысра" аҿагылоит. Атәыла анапхгара ргәаанагарала, урҭ аибашьра амҩа мап ацәыркуам.
Ажәабжьқәа зегьы
0