Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Даур Ақаҩба аԥсуа музеиқәа русзуҩцәа рзанааҭтә ныҳәа рыдиныҳәалеит

© Sputnik / Томас ТхайцукДом музей Дырмита Гулия
Дом музей Дырмита Гулия  - Sputnik Аҧсны, 1920, 18.05.2022
Анапаҵаҩра
Yandex newsTelegram
Жәларбжьаратәи амузеиқәа рымш атәылақәа жәпакы рҟны иазгәарҭоит лаҵарамза 18 рзы. Аныҳәа хацыркын 1978 шықәсазы.
АҞӘА, лаҵара 18 – Sputnik. Аԥсны Аҳәынҭқарра Акультура аминистр Даур Ақаҩба аԥсуа музеиқәа русзуҩцәа рзанааҭтә ныҳәа рыдиныҳәалеит. Адныҳәалара кьыԥхьуп аусбарҭа асаит аҟны.

"Ҳаҭыр зқәу аҩызцәа, амузеи аусзуҩцәа! Гәык-ԥсык ала ишәыдысныҳәалоит шәзанааҭтә ныҳәа – Амузеиқәа Жәларбжьаратәи рымш. Ҳмилаҭтә культуратә ҭынхеи ҳҭоурыхи рыхьчареи, реиқәырхареи, раларҵәареи рзы акыр аџьабаа жәбахьеит. Уи акыр аҵанакуеит ҿыц еиҭашьақәгылаз, аха зҭоурых беиа жәытә-натә аахыс иаауа ҳҳәынҭқарра. Убри азы шәҿаԥхьа схырхәоит, иҭабуп ҳәа шәасҳәоит", - аҳәоит Ақаҩба иҟаиҵаз адныҳәалараҟны.

Аминистр иазгәеиҭеит Аԥсны амузеиқәа реиҿкаара рџьабаа шаду акыр абиԥарақәа рхаҭарнакцәа, гәык ала зҭоурых иазыҟаз, згәы азыбылуаз. Амузеиқәа русзуҩцәа ирзеиӷьеишьеит рнапы злаку аус аҿы ақәҿиарақәеи аманшәалареи.
Аԥсны аус руеит жәабала амузеиқәа, аҳәынҭқарратәқәа реиԥш хаҭалатәиқәагьы.
Лаҵара 18 рзы Аԥсны имҩаԥгахоит "Амузеи аҟны аҵх" Аԥсуа ҳәынҭқарратә музеи, Владислав Арӡынба ихьӡ зху Ахьӡ-аԥша амузеи, Аԥсны Абанк амузеи, Дырмит Гәлиа илитературатә-мемориалтә музеи, Сергеи Дбар ихьӡ зху гәдоуҭатәи амузеи рҟны.
Акция «Ночь в музее» прошла в Сухуме - Sputnik Аҧсны, 1920, 18.05.2022
Аԥсны
Акциа "Амузеи аҟны аҵх" мҩаԥгахоит Аԥсны
Ажәабжьқәа зегьы
0