Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны аихамҩатә аидарамҩангарақәа хынтәны еизҳаит

© Sputnik / Томас ТхайцукПрофессия машинист - Качабава Эдуард
Профессия машинист - Качабава Эдуард - Sputnik Аҧсны, 1920, 19.05.2022
Анапаҵаҩра
АҞӘА, лаҵара 19 - Sputnik. Аԥсны аихамҩатә аидарамҩангарақәа хынтәны еизҳаит ҳәа аанацҳауеит ААХ асаит.
2022 шықәса аԥхьатәи аԥшьымз рзы аихамҩатә аидарамҩангагақәа ишьақәнартәеит 359 875 тонна (5 457 вагон), убри аан ииасыз ашықәс абри аамҭахҵәахазтәи арбагақәа 120 075 тонна (1859 вагон) ыҟан.
Уи адагьы мшаԥымзазы анаплак азы ирекордтәыз амзарбага шьақәыргылан— 145 859 тонна (2159 вагон).
Анаплакы адиректор хада Арсоу Ҷыҭанаа ари аизҳара адиҳәалоит ААХ аинфраструктура аушьҭратә лшарақәа рганахь ала акомплекстә усурақәа рымҩаԥгара.
2021 шықәсазы астанциа "Очамчыра" арҽеирақәа шьаҭанкыла иҟаҵан, аихамҩатә аангыларҭа "Тамшь" аҩбатәи адкылара-дәықәҵаратә мҩа аремонт-еиҭашьақәыргыларатә усурақәа мҩаԥган, аусурақәа мҩаԥган адкылара-дәықәҵаратә ааҭгыларҭа "Дранда" аҿгьы. Иара убасгьы иԥсахын ашпалақәа, арельсқәа, аибарххагақәа, аиагагақәа.
"Ауснагӡатәқәа ныҭкааны рымҩаԥгара иалнаршеит аидарамҩангара ахышәаҵышәа аизырҳара Аҟәеи Очамчыреи рыбжьара", - иҳәеит Ҷыҭанаа.
Ажәабжьқәа зегьы
0