Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

Хымш рыҩнуҵҟа "Азовсталь" иҭыҵит забџьар шьҭазҵаз 1730-ҩык аукраин еибашьцәа

© Sputnik / Алексей Куденко / Афотобанк ахь аиасраВозобновление штурма "Азовстали"
Возобновление штурма Азовстали - Sputnik Аҧсны, 1920, 19.05.2022
Анапаҵаҩра
Yandex newsTelegram
Мшаԥы 21 азы урыстәылатәи аруааи ДЖәР амчрақәеи Мариуполь ахы иақәиҭыртәит, убри аан ҩ-нызқьҩык инреиҳаны амилаҭеилыхыҩцәа азауад "Азовсталь" аҿы рҽырҵәахит.
АҞӘА, лаҵара 19 – Sputnik. Хымш рыҩнуҵҟа мариупольтәи азауад "Азовсталь" иҭыҵит забџьар шьҭазҵаз 1730-ҩык аукраин еибашьцәа. Иацтәи амш азы – 771-ҩык ҭыҵит ҳәа иҳәеит Атәылахьчара аминистрра ахаҭарнак ҷыда, аинрал-маиор Игор Конашенков.

"Ииасыз амш азы мариупольтәи азауад "Азовсталь" иҭыҵит забџьар шьҭазҵаз – 771-ҩык аибашьцәа. Зынӡа лаҵара 16 аахыср рабџьар шьҭаҵаны рыҽҳарҭахьеит 80-ҩык ахәцәа назлоу 1730-ҩык аибашьцәа", - иҳәеит иара.

Конашенков иазгәеиҭеит амедицинатә цхыраара зҭаху зегьы Новоазовски Донецки ахәышәтәырҭақәа рахь инагоуп ҳәа.
Хәажәкыра 7 азы урыстәылатәи аруааи ДЖәР амчрақәеи Мариуполь амацәаз иҭаркит. Мшаԥы 21 азы ақалақь ахы иақәиҭыртәит, убри аан ҩ-нызқьҩык рҟынӡа амилаҭеилыхыҩцәа украинатәи рполк "Азов" аҟынтәи аибашьцәеи аруааи азауад "Азовсталь" аҿы рҽырҵәахит.
Владимир Путин адҵа ҟаиҵеит азауад ааглыхратә ҵакыра ҭахыркаарц. Хәажәкыра 16 азы забџьар шьҭазҵаз раԥхьатәиқәа азауад иҭыҵит.
Ажәабжьқәа зегьы
0