Микрофон  - Sputnik Аҧсны, 1920
Арадио

Ашәба амҩадуқәа рыхьӡ аԥсахра иазкны: аҭоурых аҵәаӷәара азин ҳамаӡам

Ашәба амҩадуқәа рыхьӡ аԥсахра иазкны: аҭоурых аҵәаӷәара азин ҳамаӡам
Анапаҵаҩра
Yandex newsTelegram
Аҳҭнықалақь аҟны мҩадуқәа рыхьӡ аԥсахра иахылаԥшло ауаажәларратә комиссиа алахәыла Арда Ашәба арадио Sputnik аефир аҟны еиҭеиҳәеит ари азҵаара аимак-аиҿак ахылымҿиаарцаз азҿлымҳара ахьынӡаҭаху, акомиссиа аусура шеиҿкаахо атәы.
Аҳҭнықалақь аҟны амҩадуқәа, апаркқәа, ашҭақәа, абжьысырҭақәа, абжьаларҭақәа иахьазы ахьыӡ зхымкәа иҟоу уарла-шәарла акәзаргьы иуԥылом. Урҭ ирху ахьыӡқәа атәылаҟны аџьабаа збахьоу, аԥсҭазаара еиуеиԥшым ахырхарҭақәа рҟны злагала ыҟоу ахаҭарақәа роуп. Иҟалалоит аӡә ихьӡ ахыхны амҩаду даҽаӡәы ихьыӡ анахырҵо, анаҩс дырҩегьых ари азҵаара ианазыгьежьуа. Иаагозар, Аҟәа ақалақь аҿы ус еиԥш ахҭысқәа ыҟан.
Уажәааигәа Аҟәа ақалақьтә еизараҿы иаԥҵахеит амҩақәа рыхьӡ аԥсахра иахылаԥшло ауаажәларратә комиссиа. Уи алахәылацәа дреиуоуп Аԥсуаҭҵааратә институт аиҳабы Арда Ашәба. Иара иазгәеиҭеит амҩақәа, ашҭақәа уҳәа рыхьӡ аԥсахраан аҭоурых аҵәагәара шахәҭам, ишәаны-изаны изызнеитәу усны ишыҟоу, ари азҵаараҟны ауадаҩра цәырҵуазар, изыхҟьо амхәыцра ауп ҳәа.
Аицәажәара иаҳа инарҭбааны ишәаҳар шәылшоит аудиофаил аҟны.
Ажәабжьқәа зегьы
0