https://sputnik-abkhazia.info/20220604/adouat-mlashra-asua-khyty-literaturei-akhyty-folklori-ragylazaasha-iazkny-1039311470.html
"Адоуҳатә млашьра": аԥсуа хәыҷтәы литературеи ахәыҷтәы фольклори рҭагылазаашьа иазкны
"Адоуҳатә млашьра": аԥсуа хәыҷтәы литературеи ахәыҷтәы фольклори рҭагылазаашьа иазкны
Sputnik Аҧсны
Иахьатәи аамҭазы аԥсуа хәыҷтәы сахьаркыратә литературеи ахәыҷтәы фольклори рҭагылазаашьазы лгәаанагара ҳамалдоит Нарҭдырреи адәынтәи афольклорҭҵаареи рцентр... 04.06.2022, Sputnik Аҧсны
2022-06-04T12:09+0300
2022-06-04T12:09+0300
2022-06-04T12:09+0300
аԥсны
аналитикеи аиҿцәажәарақәеи
https://cdnn1.img.sputnik-abkhazia.info/img/07e5/09/01/1033133445_0:0:3067:1725_1920x0_80_0_0_d413509c0401896b8be8b5402be2831b.jpg
"Ҳара ҳхаан ахәыҷқәа ҽакала иҟан, уажәтәи ахәыҷқәа ҽакала иҟоуп" ҳәа аџьашьара иаԥсоума? Иацтәи амши иҟалашеи узеидкылома? Уажәтәи, иахьатәи амш аҿы инхалатәуп иахьатәи аҭахрақәа ирықәыршәаны. Иацтәи амш ҽакы еиԥшны ишыҟамыз еиԥш, иахьатәи, уаҵәтәи амшқәагьы даҽакы еиԥшхом.Иацы, жәацы зхәыҷра аиҳарак ақыҭараҿы изхызгоз ирбоз, ираҳауаз хазын. Урҭ злахәмаруаз инапылаҟаҵараз амҿтәы хәмаргақәа ракәын, мамзаргьы рнапала ирӡахыз акьанџьа. Раамҭа ахьырхыргозгьы аиҳарак анхара-анҵыра иадҳәалаз аусқәа рҿы акәын. Ирбоз, излахәыз аԥсуа чараҵәҟьа акәын, аҽырхәмаррақәа ракәын, ақьабзтә ныҳәарақәа ракәын. Дрылахәума абарҭ зегьы иахьатәи ахәыҷы? Дрылааӡоума? Нас иацтәи амш дызладукылари уи иалааӡам ауаҩы?!Аха иацтәи амш аазырԥшыша, урҭ рыԥсы рхазҵаша, атрадициатә культура еиқәзырхаша ашәҟәыҩҩцәеи аҵарауааи роуп.Иаахтны иаҳҳәозар, Таиф Аџьба иажәақәа рыла, иахьатәи ахәыҷқәа "доуҳала имлашьуп". Ахәыҷқәа абызшәа рыздырӡом, аԥсуара рыздырӡом ҳәа ҳааҟәымҵӡакәа ҳцәажәоит, аха иаҳҳәаӡом урҭ ԥсыуала иҳааӡарц азы иҟаҳҵеи?!.Иахьатәи ахәыҷы шьыжьы инаркны аахәлаанӡа имш хҭыс рацәала еиларсуп. Аҵара, еиуеиԥшым азыҟаҵарақәа, аспорт уҳәа. Иԥсшьара аамҭа акәзар аҭел, ателербага, адәы акырӡа ԥхьаҟа ицахьеит, ҳара ҳаԥсуареи ҳбызшәеи ашәышықәсақәа рышьҭахь иахьыҟаз иаанхеит, иахьатәи ахәыҷы ихьӡаӡом.Иҳамоума ҳара ахәыҷтәы литература, ахәыҷтәы фольклор иахьатәи ахәыҷы иааӡара иацхрааша? Ҳара ҳаибажьеит ҳәа уи џьаргьы ҳашкылнамго аргама иаҳбоит. Ааи, ҳара иҳамоуп аԥсуа шәҟәыҩҩцәа иаҧырҵаз ахәыҷтәы жәеинраалақәа, ажәабжьқәа. Урҭ разымхара шыҟоу ахәыҷбаҳча ааӡаҩцәеи арҵаҩцәеи унразҵаар ирҳәоит. Дара урҭгьы еидкыланы иҟоу аизгамҭақәа маҷӡоуп, иԥсаҟьаны ана-ара иалаԥсоуп, мамзаргьы ажурналқәа рҟны иуԥылоит аамҷыдарахаз. Ахәыҷқәа ирызку адырраҭарақәа ракәзаргьы убасҵәҟьа.Ахәыҷтәы фольклор акәзар, Римма Арсени-иԥҳа Аҳашба лаамышьҭахь, иахьа уи хықәкыла иазку, иҭызҵаауа дҳамаӡам. Аԥсуа лакәқәа ракәзар, иахьатәи ахәыҷы ишидаагало урысшәала ауп. Избан аԥсуа хәыҷы аԥсуа лакә аԥсышәала иаҳаанӡа аԥхьа урысшәала еиҭаганы изидаҳгало? Аԥсуа лакәқәа зну ашәҟәы ахы даннықәыԥшлак ахәыҷы, уи ашьҭыхра игәаԥхаӡом, избанзар иҭахрақәа ирықәыршәаны еиқәыршәаӡам.Абас еиԥш доуҳала имлашьуа иқәҳархаз ахәыҷы, уи аамҭаз иара даҽа бызшәак, даҽа культурак илалара ианаҿу, иҿыцу аԥсуаа рықалақьтә қьабзқәа рыда ҽак имбозар, дзыԥхьаша иаҳмыркызар, нас изхарада уи ибызшәеи икультуреи дрыцәтәымны дызҳар? Иахьатәи ахәыҷқәа рҭаацәагьы "доуҳала имлашьуа" изызҳаз ракәзар, урҭ ирааӡо ирыдыргало рымамзар, уаҵәы зеиԥшрахои? Иаҳԥырхагада ҳхәыҷқәа рааӡараҿ?Дырмит Гәлиа ҳдоуҳатә культура аӡыргара даназгыла аамышьҭахь 148 шықәса ҵуеит. 148 шықәса ҵуеит "ҳбызшәа ыӡуеит, ҳаԥсуара ыҟам, еиқәаҳмырхар ҳаӡуеит" ҳәа ацәажәара ҳаҿуижьҭеи, иҳаҩуеижьҭеи, зны-зынла ак ҟазҵо аацәырҵуеит (уи аҟаҵахагь раҳҭар). 148 шықәса иаҳцәажәоз аасҭа иҟаҳҵоз еиҳазҭгьы, иахьатәи ахәыҷқәа рҭаацәа доуҳала имлашьуаз иреиуахомызт, рхәыҷқәа ирыдыргалашазгьы роуан. Иҟаҵоу шыҟоугьы, иҟаҵатәу еиҳагьы еиҳауп."Напеибаркы ауаҩы дааӡоит"!Автори аредакциеи ргәаанагарақәа еиқәымшәозар ҟалоит.
https://sputnik-abkhazia.info/20190209/Any-byzshei-adakhti-abyzshei--akhyy-ishklashra-aynti-1026575084.html
https://sputnik-abkhazia.info/20200712/Zhlar-ramaa-brend-asabla-asua-kolorit-aalat-subkulturay-atsyrgara-1030518119.html
https://sputnik-abkhazia.info/20210503/Chabrakarsh-i-i-ka-ka-akhyykhmarraa-rkharkhasha-iatsi-iakhei-1032285603.html
https://sputnik-abkhazia.info/20220327/akhaty-byzsha-khykhchagoup-atym-byzsha-charara-uznaur-anaua-1038221670.html
https://sputnik-abkhazia.info/20200103/Aazarei-amilat-douai-mamzargy-asua-kasharaa-byzshas-izlatsazho-1028209441.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Есма Ҭодуаԥҳа
https://cdnn1.img.sputnik-abkhazia.info/img/102963/74/1029637432_634:0:1967:1333_100x100_80_0_0_6428449d26d913d4418a6902209f10ec.jpg
Есма Ҭодуаԥҳа
https://cdnn1.img.sputnik-abkhazia.info/img/102963/74/1029637432_634:0:1967:1333_100x100_80_0_0_6428449d26d913d4418a6902209f10ec.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Есма Ҭодуаԥҳа
https://cdnn1.img.sputnik-abkhazia.info/img/102963/74/1029637432_634:0:1967:1333_100x100_80_0_0_6428449d26d913d4418a6902209f10ec.jpg
аналитикеи аиҿцәажәарақәеи
аналитикеи аиҿцәажәарақәеи
"Адоуҳатә млашьра": аԥсуа хәыҷтәы литературеи ахәыҷтәы фольклори рҭагылазаашьа иазкны
Есма Ҭодуаԥҳа
НААР аҭҵаарадырратә усзуҩ
Иахьатәи аамҭазы аԥсуа хәыҷтәы сахьаркыратә литературеи ахәыҷтәы фольклори рҭагылазаашьазы лгәаанагара ҳамалдоит Нарҭдырреи адәынтәи афольклорҭҵаареи рцентр аҭҵаарадырратә усзуҩ Есма Ҭодуаԥҳа.
"Ҳара ҳхаан ахәыҷқәа ҽакала иҟан, уажәтәи ахәыҷқәа ҽакала иҟоуп" ҳәа аџьашьара иаԥсоума? Иацтәи амши иҟалашеи узеидкылома? Уажәтәи, иахьатәи амш аҿы инхалатәуп иахьатәи аҭахрақәа ирықәыршәаны. Иацтәи амш ҽакы еиԥшны ишыҟамыз еиԥш, иахьатәи, уаҵәтәи амшқәагьы даҽакы еиԥшхом.
Иацы, жәацы зхәыҷра аиҳарак ақыҭараҿы изхызгоз ирбоз, ираҳауаз хазын. Урҭ злахәмаруаз инапылаҟаҵараз амҿтәы хәмаргақәа ракәын, мамзаргьы рнапала ирӡахыз акьанџьа. Раамҭа ахьырхыргозгьы аиҳарак анхара-анҵыра иадҳәалаз аусқәа рҿы акәын. Ирбоз, излахәыз аԥсуа чараҵәҟьа акәын, аҽырхәмаррақәа ракәын, ақьабзтә ныҳәарақәа ракәын. Дрылахәума абарҭ зегьы иахьатәи ахәыҷы? Дрылааӡоума? Нас иацтәи амш дызладукылари уи иалааӡам ауаҩы?!
Аха иацтәи амш аазырԥшыша, урҭ рыԥсы рхазҵаша, атрадициатә культура еиқәзырхаша ашәҟәыҩҩцәеи аҵарауааи роуп.
Иаахтны иаҳҳәозар, Таиф Аџьба иажәақәа рыла, иахьатәи ахәыҷқәа "доуҳала имлашьуп". Ахәыҷқәа абызшәа рыздырӡом, аԥсуара рыздырӡом ҳәа ҳааҟәымҵӡакәа ҳцәажәоит, аха иаҳҳәаӡом урҭ ԥсыуала иҳааӡарц азы иҟаҳҵеи?!.
Иахьатәи ахәыҷы шьыжьы инаркны аахәлаанӡа имш хҭыс рацәала еиларсуп. Аҵара, еиуеиԥшым азыҟаҵарақәа, аспорт уҳәа. Иԥсшьара аамҭа акәзар аҭел, ателербага, адәы акырӡа ԥхьаҟа ицахьеит, ҳара ҳаԥсуареи ҳбызшәеи ашәышықәсақәа рышьҭахь иахьыҟаз иаанхеит, иахьатәи ахәыҷы ихьӡаӡом.
Иҳамоума ҳара ахәыҷтәы литература, ахәыҷтәы фольклор иахьатәи ахәыҷы иааӡара иацхрааша? Ҳара ҳаибажьеит ҳәа уи џьаргьы ҳашкылнамго аргама иаҳбоит. Ааи, ҳара иҳамоуп аԥсуа шәҟәыҩҩцәа иаҧырҵаз ахәыҷтәы жәеинраалақәа, ажәабжьқәа. Урҭ разымхара шыҟоу ахәыҷбаҳча ааӡаҩцәеи арҵаҩцәеи унразҵаар ирҳәоит. Дара урҭгьы еидкыланы иҟоу аизгамҭақәа маҷӡоуп, иԥсаҟьаны ана-ара иалаԥсоуп, мамзаргьы ажурналқәа рҟны иуԥылоит аамҷыдарахаз. Ахәыҷқәа ирызку адырраҭарақәа ракәзаргьы убасҵәҟьа.
Ахәыҷтәы фольклор акәзар, Римма Арсени-иԥҳа Аҳашба лаамышьҭахь, иахьа уи хықәкыла иазку, иҭызҵаауа дҳамаӡам. Аԥсуа лакәқәа ракәзар, иахьатәи ахәыҷы ишидаагало урысшәала ауп. Избан аԥсуа хәыҷы аԥсуа лакә аԥсышәала иаҳаанӡа аԥхьа урысшәала еиҭаганы изидаҳгало? Аԥсуа лакәқәа зну ашәҟәы ахы даннықәыԥшлак ахәыҷы, уи ашьҭыхра игәаԥхаӡом, избанзар иҭахрақәа ирықәыршәаны еиқәыршәаӡам.
Абас еиԥш доуҳала имлашьуа иқәҳархаз ахәыҷы, уи аамҭаз иара даҽа бызшәак, даҽа культурак илалара ианаҿу, иҿыцу аԥсуаа рықалақьтә қьабзқәа рыда ҽак имбозар, дзыԥхьаша иаҳмыркызар, нас изхарада уи ибызшәеи икультуреи дрыцәтәымны дызҳар? Иахьатәи ахәыҷқәа рҭаацәагьы "доуҳала имлашьуа" изызҳаз ракәзар, урҭ ирааӡо ирыдыргало рымамзар, уаҵәы зеиԥшрахои?
Иаҳԥырхагада ҳхәыҷқәа рааӡараҿ?
Дырмит Гәлиа ҳдоуҳатә культура аӡыргара даназгыла аамышьҭахь 148 шықәса ҵуеит. 148 шықәса ҵуеит "ҳбызшәа ыӡуеит, ҳаԥсуара ыҟам, еиқәаҳмырхар ҳаӡуеит" ҳәа ацәажәара ҳаҿуижьҭеи, иҳаҩуеижьҭеи, зны-зынла ак ҟазҵо аацәырҵуеит (уи аҟаҵахагь раҳҭар). 148 шықәса иаҳцәажәоз аасҭа иҟаҳҵоз еиҳазҭгьы, иахьатәи ахәыҷқәа рҭаацәа доуҳала имлашьуаз иреиуахомызт, рхәыҷқәа ирыдыргалашазгьы роуан. Иҟаҵоу шыҟоугьы, иҟаҵатәу еиҳагьы еиҳауп.
"Напеибаркы ауаҩы дааӡоит"!
Автори аредакциеи ргәаанагарақәа еиқәымшәозар ҟалоит.
