Микрофон  - Sputnik Аҧсны, 1920
Арадио

Актриса Ломиаԥҳа атеатр азы: исықәҿиеит сыҩны сахьыҟоу

Актриса Ломиаԥҳа: сеигәырӷьоит хатәгәаԥхарала иалысхыз ақыргыламҭаҿы сахьалыркааз
Анапаҵаҩра
Yandex newsTelegram
"Аԥҳәыс иреиӷьу лроль" анагӡаразы Искандер ихьӡ зху Аурыс драматә театр ахәаԥшцәа далыркааит актриса Милана Ломиаԥҳа. Лара арадио Sputnik аефир аҟны еиҭалҳәеит ахәаԥшцәа ргәаанагара шлыдылкылаз, иалыркааз лроль дшазыҟоу.
Искандер ихьӡ зху РУСДРАМ аҿы 40-тәи атеатртә сезон азы иреиӷьыз актиорцәа ралкаараз ахәаԥшыҩцәа рыбжьыҭара аихшьалақәа ҟарҵеит. Аноминациа "Иреиӷьу аԥҳәыс лроль" аҿы аиааира лгеит актриса Милана Ломиаԥҳа аспектакль "Бродски" аҟны иналыгӡоз ароль азы. Ари аспектакль актриса лзы ҵакыс иамоу, ахәаԥшцәа ргәаанагара иахылҳәаауа, атеатр аҟны лҭыԥ ахьынӡалыԥшааз атәы Ломиаԥҳа еиҭалҳәеит арадиоефир аҟны.
"Аспектакль "Бродски" ақәыргылара ахьалыршахаз сеигәырӷьоит, избанзар имариамызт, хатәгәаԥхарала иалысхыз аматериал ауп. Уи азы амч умазароуп, умшәозароуп атеатр аиҳабы иҟны унеины иҟасҵар сҭахуп ҳәа аҳәара. Ирацәан аспектакль ҩнуҵҟала исынаҭоз, исзымԥшаауаз азҵаарақәа рҭак сынаҭеит сҳәар сылшоит. Даара исзааигәоу, бзиа избо материалуп, иара ажәеинраала аԥхьара бзиа избоит. Хышықәса-ԥшьышықәса сыҩнуҵаҟа иааӡо сааиуан, нас мышкы иаашьҭыхны снеит амоноспектакль алҵыр сҭахуп ҳәа. Сара еснагь схы акритика азызуеит, иҟасҵо зегьы сацклаԥшуеит, аха усҟан убас еиԥш аемоциақәа сыман, сазымхәыцкәа ауп ишыҟасҵоз уҳәар ауеит. Иҭабуп ҳәа расҳәоит ахәаԥшцәа иахьалыркааз сусумҭа", - лҳәеит Ломиаԥҳа.
Аицәажәара инарҭбааны ишәаҳар шәылшоит аудиофаил аҟны хыхь.
Ажәабжьқәа зегьы
0