https://sputnik-abkhazia.info/20220708/aazarei-asazaarei-asakhaykhy-ysh-saria-kyshmariaa-lourykh-1040144496.html
Аҟазареи аԥсҭазаареи: асахьаҭыхҩы қәыԥш Сариа Кьышьмариаԥҳа лҭоурых
Аҟазареи аԥсҭазаареи: асахьаҭыхҩы қәыԥш Сариа Кьышьмариаԥҳа лҭоурых
Sputnik Аҧсны
Акультура-гәыҳалалратә фонд "Ашанеи" аинформациатә маҵзура Sputnik Аԥсни, ателеканал "Абаза ТВ" еицхадыркит апроект "Агәыҳалалра алҵшәақәа". 08.07.2022, Sputnik Аҧсны
2022-07-08T17:36+0300
2022-07-08T17:36+0300
2022-07-08T17:36+0300
аԥсны
ажәабжьқәа
ҳаидгыланы аԥсҭазаара еиқәҳархап
ауаажәларра
https://cdnn1.img.sputnik-abkhazia.info/img/07e6/07/08/1040141465_0:0:1920:1080_1920x0_80_0_0_d80a44c3748f1694ce1864e23f366d43.jpg
Апроект афонд "Ашана" анапаҵаҟа иҟоу, згәабзиара шьақәгылаз ахәыҷқәа ирызкуп. Апроект аԥшьбатәи афырхаҵа Сариа Кьышьмариаԥҳа лоуп.Асмаҭ Ҵәыџьԥҳа, Sputnik "Ақәа ицәу аҭыԥҳа"Сариа Кьышьмариаԥҳа – дхәыҷаахыс асахьаҭыхра бзиа илбоит. Ауада аҿы ихшьуп лҭыхымҭақәа рацәаӡаны. Сариа еиҭалҳәоит аҩбатәи акласс аҿы дыштәаз аҭыхра даналагаз. Иахьагьы иҵәахны илымоуп уи асахьа. Ҳаргьы иаҳлырбеит."Ари асахьа анызба исҭаххеит саҿыԥшны схаҭа иҭысхырц. Абасеиԥшгьы иҟалеит", - лҳәоит лара.Убри аахыс Сариа асахьақәа ҭылхуеит. Аинтернет аҿы сахьак ма фоток лбар дақәыԥшны иҭылхуеит, иара убасгьы аҟазаратә-классқәа дрыхәаԥшуеит. Лусумҭақәа иреиӷьалшьоит "Ақәа ицәу аҭыԥҳа" лсахьа. Сариа лан Наала дазгәыдууны илҳәоит, ари аусумҭа аҭыхра ахәыҷы ҩ-сааҭк шракәу илцәагаз.Сариа хәба-хәба ҳәа аҵара лҵоит, амаҭшарқәамарианы илыцааиуеит. Занааҭс иалылхуа макьана дазымхәыцыцт, аха ацәамаҭәа адизаин ахь еиҳа лхы кыдуп.- Аҩызцәа рацәаҩны ибымоума Сариа?- Иҟоуп. Иҟоуп сыԥсҭазаара иалҵыз, иҟоуп иаанхаз. Иаанхаз рацәаҩым, -лҳәоит лара аԥсышәа ԥшӡала.Згәы былуа рыцхыраараСариа ԥшьышықәса анылхыҵуаз адиагноз лзықәдыргылеит - миелоидныи леикоз, аҽакала иуҳәозар, ашьа акьыбачымазара анамоу. Аҳақьымцәа лҭаацәа ирарҳәеит ахәыҷы ианаамҭаз ацхыраара лоуит, уи лыхәшәтәра алшоит ҳәа.Москва изныкымкәа ахимиотерапиа дахысхьеит. Сариа лыцхырааразы акультура-гәыҳалалратә фонд "Ашана" аԥареизгара рылаҳәаны 850 нызқьмааҭ еизыргеит, зынӡа ҩышықәса рыҩнуҵҟа ҩ-миллион мааҭ лыхәшәтәра иақәхарџьуп.Аамҭа-аамҭала Сариа лани лареи ахгәаҭаразы аҳақьымцәа рахь ицоит, аха уа шәарҭарак лыдырбалом.
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, ҳаидгыланы аԥсҭазаара еиқәҳархап, ауаажәларра
ажәабжьқәа, ҳаидгыланы аԥсҭазаара еиқәҳархап, ауаажәларра
Аҟазареи аԥсҭазаареи: асахьаҭыхҩы қәыԥш Сариа Кьышьмариаԥҳа лҭоурых
Акультура-гәыҳалалратә фонд "Ашанеи" аинформациатә маҵзура Sputnik Аԥсни, ателеканал "Абаза ТВ" еицхадыркит апроект "Агәыҳалалра алҵшәақәа".
Апроект афонд "Ашана" анапаҵаҟа иҟоу, згәабзиара шьақәгылаз ахәыҷқәа ирызкуп. Апроект аԥшьбатәи афырхаҵа Сариа Кьышьмариаԥҳа лоуп.
Сариа Кьышьмариаԥҳа – дхәыҷаахыс асахьаҭыхра бзиа илбоит. Ауада аҿы ихшьуп лҭыхымҭақәа рацәаӡаны. Сариа еиҭалҳәоит аҩбатәи акласс аҿы дыштәаз аҭыхра даналагаз. Иахьагьы иҵәахны илымоуп уи асахьа. Ҳаргьы иаҳлырбеит.
"Ари асахьа анызба исҭаххеит саҿыԥшны схаҭа иҭысхырц. Абасеиԥшгьы иҟалеит", - лҳәоит лара.
Убри аахыс Сариа асахьақәа ҭылхуеит. Аинтернет аҿы сахьак ма фоток лбар дақәыԥшны иҭылхуеит, иара убасгьы аҟазаратә-классқәа дрыхәаԥшуеит. Лусумҭақәа иреиӷьалшьоит "Ақәа ицәу аҭыԥҳа" лсахьа. Сариа лан Наала дазгәыдууны илҳәоит, ари аусумҭа аҭыхра ахәыҷы ҩ-сааҭк шракәу илцәагаз.
Сариа хәба-хәба ҳәа аҵара лҵоит, амаҭшарқәамарианы илыцааиуеит. Занааҭс иалылхуа макьана дазымхәыцыцт, аха ацәамаҭәа адизаин ахь еиҳа лхы кыдуп.
- Аҩызцәа рацәаҩны ибымоума Сариа?
- Иҟоуп. Иҟоуп сыԥсҭазаара иалҵыз, иҟоуп иаанхаз. Иаанхаз рацәаҩым, -лҳәоит лара аԥсышәа ԥшӡала.
Сариа ԥшьышықәса анылхыҵуаз адиагноз лзықәдыргылеит - миелоидныи леикоз, аҽакала иуҳәозар, ашьа акьыбачымазара анамоу. Аҳақьымцәа лҭаацәа ирарҳәеит ахәыҷы ианаамҭаз ацхыраара лоуит, уи лыхәшәтәра алшоит ҳәа.
Москва изныкымкәа ахимиотерапиа дахысхьеит. Сариа лыцхырааразы акультура-гәыҳалалратә фонд "Ашана" аԥареизгара рылаҳәаны 850 нызқьмааҭ еизыргеит, зынӡа ҩышықәса рыҩнуҵҟа ҩ-миллион мааҭ лыхәшәтәра иақәхарџьуп.
"Схәыҷы згәы шаҭо ауаа рыцхыраарала лыԥсы ҭоуп. Ҭабуп ҳәа сҳәоит афонд "Ашана" схәыҷызаҵә дахьеиқәнархаз азы", - лҳәоит Наала.
Аамҭа-аамҭала Сариа лани лареи ахгәаҭаразы аҳақьымцәа рахь ицоит, аха уа шәарҭарак лыдырбалом.
