https://sputnik-abkhazia.info/20220717/medvedev-aoperatsia-yda-akhyka-nagakhoit-1040322542.html
Медведев: аоперациа ҷыда ахықәкқәа нагӡахоит
Медведев: аоперациа ҷыда ахықәкқәа нагӡахоит
Sputnik Аҧсны
Ашәарҭадаратә хеилак ахантәаҩы ихаҭыԥуаҩ уи адагьы иазгәеиҭеит арҭ рҩызцәа аоперациақәа иааинырсланы иузхыркәшо акәӡам, Урыстәыла ар ақәҿиарақәа аанарԥшуеит... 17.07.2022, Sputnik Аҧсны
2022-07-17T18:38+0300
2022-07-17T18:38+0300
2022-07-18T10:11+0300
урыстәыла донбасс имҩаԥнаго арратә операциа ҷыда
ажәабжьқәа
украина
джәр
лжәр
https://cdnn1.img.sputnik-abkhazia.info/img/07e6/02/15/1037703936_0:158:3079:1890_1920x0_80_0_0_577e79c0d1e7b6f72dc57b048116c344.jpg
АҞӘА, ԥхынгәы 17 - Sputnik. Урыстәыла Ашәарҭадаратә хеилак ахантәаҩы ихаҭыԥуаҩ Дмитри Медведев аҳәамҭа ҟаиҵеит Украина имҩаԥырго аоперациа ҷыда ахықәкқәа шынагӡахо, Урыстәылазы иҟоу ашәарҭарақәа шаԥыххо. Абри атәы аанацҳауеит РИА Новости, аполитик Сталинградтәи ажәылара алагара иазку аусмҩаԥгатә аан Аџьынџьтәылатә еибашьра Ду аветеранцәа рҿаԥхьа данықәгылоз ииҳәаз иажәақәа ааго.Иара инаҵишьит Урыстәыла иахьа имҩаԥнаго ашьаҿақәа ишрыцәхьамҵуа киевтәи арежим ҟәрышьлеи абџьарлеи иацхраауа мраҭашәаратәи аполитикцәа хара имгакәа ишеилыркаауа. Медведев игәаанагарала, Европа иааҟәымҵӡакәа аибашьра цалар уи атәылақәа ирзеицәамхозар, ирзеиӷьхом.Иара убас иара иазгәеиҭеит ари аоперациа ҷыда - зыда ԥсыхәа ыҟамыз ашьаҿа шакәыз, иагьыргәалаиршәеит иарбанзаалак атәыла азин шамоу "аҽыхьчаразы раԥхьа ажәылара азин".Урыстәыла Украина аоперациа ҷыда мҩаԥнагоижьҭеи 143 мшы ҵуеит. Уи ишалагаз азы адырра ҟаҵо, Урыстәыла ахада Владимир Путин иазгәеиҭеит уи хықәкыс ишамоу Украина аденацификациеи абьџарҟәныхреи, киевтәи арежим ҭынчнхамҩа знамҭо Донбасс ауааԥсыра рыхьчареи.Урыстәылатә ар ажәыларақәа мҩаԥнагоит Донецктәии Лугансктәии Жәлар Рреспубликақәа рмилициа рыдгылара рыманы. Ахы иақәиҭтәуп ДЖәР аиҳарак, Свиатогорск убрахь иналаҵаны, ЛЖәР аҵакыра зегьы, убри адагьы ф-нызқьҩык инарзынаԥшуа украинатәи аруаа рытҟәахьеит.
https://sputnik-abkhazia.info/20220714/ukraina-zkhy-iaiyrtyz-aakyraa-ry-azeish-mchra-shayrgyloup-1040249410.html
украина
джәр
лжәр
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, украина, джәр, лжәр
ажәабжьқәа, украина, джәр, лжәр
Медведев: аоперациа ҷыда ахықәкқәа нагӡахоит
18:38 17.07.2022 (ирҿыцуп: 10:11 18.07.2022) Ашәарҭадаратә хеилак ахантәаҩы ихаҭыԥуаҩ уи адагьы иазгәеиҭеит арҭ рҩызцәа аоперациақәа иааинырсланы иузхыркәшо акәӡам, Урыстәыла ар ақәҿиарақәа аанарԥшуеит, ЛЖәР ахы ақәиҭтәра аиԥш иҟоу, аоперациа ҷыда иацҵахоит.
АҞӘА, ԥхынгәы 17 - Sputnik. Урыстәыла Ашәарҭадаратә хеилак ахантәаҩы ихаҭыԥуаҩ Дмитри Медведев аҳәамҭа ҟаиҵеит Украина имҩаԥырго аоперациа ҷыда ахықәкқәа шынагӡахо, Урыстәылазы иҟоу ашәарҭарақәа шаԥыххо. Абри атәы аанацҳауеит РИА Новости, аполитик Сталинградтәи ажәылара алагара иазку аусмҩаԥгатә аан Аџьынџьтәылатә еибашьра Ду аветеранцәа рҿаԥхьа данықәгылоз ииҳәаз иажәақәа ааго.
"Агәра шәсыргоит ари аоперациа ҷыда ахықәкқәа шынагӡахо. Уи иалагӡаны Украина анапхгара аденацификациа азухоит, абџьар рыҟәныххоит, ҳтәылазы уа иҟоу ашәарҭарақәа аԥыххоит", - иҳәеит Медведев.
Иара инаҵишьит Урыстәыла иахьа имҩаԥнаго ашьаҿақәа ишрыцәхьамҵуа киевтәи арежим ҟәрышьлеи абџьарлеи иацхраауа мраҭашәаратәи аполитикцәа хара имгакәа ишеилыркаауа. Медведев игәаанагарала, Европа иааҟәымҵӡакәа аибашьра цалар уи атәылақәа ирзеицәамхозар, ирзеиӷьхом.
Иара убас иара иазгәеиҭеит ари аоперациа ҷыда - зыда ԥсыхәа ыҟамыз ашьаҿа шакәыз, иагьыргәалаиршәеит иарбанзаалак атәыла азин шамоу "аҽыхьчаразы раԥхьа ажәылара азин".
Урыстәыла Украина аоперациа ҷыда мҩаԥнагоижьҭеи 143 мшы ҵуеит. Уи ишалагаз азы адырра ҟаҵо, Урыстәыла ахада Владимир Путин иазгәеиҭеит уи хықәкыс ишамоу Украина аденацификациеи абьџарҟәныхреи, киевтәи арежим ҭынчнхамҩа знамҭо Донбасс ауааԥсыра рыхьчареи.
Урыстәылатә ар ажәыларақәа мҩаԥнагоит Донецктәии Лугансктәии Жәлар Рреспубликақәа рмилициа рыдгылара рыманы. Ахы иақәиҭтәуп ДЖәР аиҳарак, Свиатогорск убрахь иналаҵаны, ЛЖәР аҵакыра зегьы, убри адагьы ф-нызқьҩык инарзынаԥшуа украинатәи аруаа рытҟәахьеит.
