Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Гәылрыԥшь араион ахада 2022 шықәса фымз рыҩнуҵҟа аусуразы аҳасабырба ҟаиҵеит

© Foto / сайт Администрации Президента РА Рабочая поездка Аслана Бжания
Рабочая поездка Аслана Бжания  - Sputnik Аҧсны, 1920, 21.07.2022
Анапаҵаҩра
Yandex newsTelegram
Иацы Аслан Бжьаниа Очамчыреи Тҟәарчали араионқәа рҿы аусутә еилацәажәарақәа мҩаԥигеит.
АҞӘА, ԥхынгәы 21 – Sputnik, Асмаҭ Ҵәыџьԥҳа. Гәылрыԥшь араион ахада Аслан Бараҭелиа 2022 шықәса фымз рыҩнуҵҟа аусуразы аҳасабырба ҟаиҵеит.
Иара иажәақәа рыла, абиуџьет ахашәалахәытә хәҭа 106,4% рыла инагӡоуп. Планла 96,4 миллион ахьарбаз алагала 102,5 миллион ыҟоуп. Ари 6 миллионк рыла еиҳауп 2021 шықәса абри аамҭазтәи арбага аасҭа.
Аныхратә хәҭа 98,8% рыла инагӡоуп. Планла иарбаз 106,4 миллион ацынхәрас иныхуп 105 миллион. Аныхратә хәҭа хада - 47% аҵара аусхк иазырхоуп.
Бараҭелиа иазгәеиҭеит ԥхынгәы 1 азтәи аамҭазы ахада ирезервтә фонд аҟынтәи аӡхыҵрақәа ԥырхага зырҭаз ауаа 2,4 миллион мааҭ шрыҭоу, аҭыԥантәи абиуџьет аҟынтәи 85-ҩык араион ауааԥсыра ишрыҭоу 533 нызқь мааҭ.
Уи адагьы, араион аҟынтәи 12 ҭаацәара ироуит анхарҭа аахәаразы асертификатқәа апрограмма "Анхарҭа 2020-2022" ала.
Араион ахада иҳәеит аус зуа араион ауааԥсыра хә-нызқьҩык шыҟоу: ҩ-нызқьҩык абиуџьет аусхк аҟны аус руеит, зықьҩык анаплакра иалахәуп. Бжьаратәла араион аҿы ауалафахәы 10 830 мааҭ итәоит. Ԥшьнызқьҩык рҟынӡа араион ауааԥсыра усурҭада иҟоуп.
Араион аҿы инхоит 18 729-ҩык: 14 000-ҩык ақыҭаҿ инхоит, 3,4 нызқьҩык тәанчаҩцәоуп.
Араион ауааԥсыра реиҳараҩык аԥсаатәааӡара, ақыҭанхамҩа, арахәааӡара, ашьхааӡара уҳәа рнапы рылакуп.
Денежные купюры и монеты. - Sputnik Аҧсны, 1920, 20.07.2022
Аԥсны
Очамчыра араион абиуџьеттә лагалақәа рыплан нагӡоуп 145% рыла
Араион аҿы аус руеит 12 школ, уа аҵара рҵоит 1864-ҩык. Сынтәа 36-ҩык аушьҭымҭацәа "хәба" ҳәа иалгеит, аӡәы ахьтәы медал ланашьахеит.
Бараҭелиа далацәажәеит афымцамч ахә аизгара азҵаара. Хәымз рыҩнуҵҟа еизгоуп 10,8 миллион мааҭ, ахархәара аҭоуп 32,9 миллион мааҭ рыхә алашара.
Ари аамҭазы араион аҿы ашәҟәы иҭагалоуп 23 цәгьоура. Ацәгьоурақәа зегьы аарԥшуп.
Бараҭелиа иара убасгьы иҳәеит Аинвестпрограмма инақәыршәаны 2020 - 2022 шықәсқәа рзы Гәылрыԥшь араион аҿы иарбан 25 обиект, ахархәарахь ирыҭоуп 24 обиект (282,8 миллион мааҭ зыхшәаау).
Араион 30 910 гектар адгьыл аҵанакуеит. Аџьынџьтәылатә еибашьраан иҭахаз рҭаацәеи аинвалидцәеи сынтәи ирзырцәаӷәеит 55 гектар адгьыл. Ақыҭанхамҩа ахықәкытә программала шықәсыки бжаки рыҩнуҵҟа Ақыҭанхамҩа аминистрра иадгалоуп 54 проект. Урҭ рҟынтә 10 рыдыркылеит, ирзоужьуп 9,1 миллион мааҭ. 2022 шықәсазы ирыдкылоуп 15 проект, 6,7 миллион мааҭ рыхә.
Атәыла ахада далацәажәеит ацрыҵ кьакьақәа рзы аполигон аргылара шеиҿкаау, иҳәеит аусурақәа шцо, аобиект ашықәс анҵәамҭазы аусура ишаларгахо.
Аслан Бжьаниа иара убасгьы иазгәеиҭеит Гәылрыԥшь араион аҟны ишазԥхьагәаҭоу апроектқәа, урҭ рынагӡараан зқьы инарзынаԥшуа аусурҭа ҭыԥқәа шыҟало.
Президент Аслан Бжания посетил с рабочей поездкой Ткуарчалский район - Sputnik Аҧсны, 1920, 20.07.2022
Аԥсны
Тҟәарчал шықәсыбжак аҩнуҵҟа шә-миллионк еиҳаны ашәахтәқәа еизгоуп
Ажәабжьқәа зегьы
0