Микрофон  - Sputnik Аҧсны, 1920
Арадио

Хра злоу ахҭысқәа: Хапат Аԥсны абизнес маҷ ашьҭыхразы иҟаҵатәу игәаанагара

Хра злоу ахҭысқәа: Хапат Аԥсны абизнес маҷ ашьҭыхразы игәаанагара иазкны
Анапаҵаҩра
Yandex newsTelegram
Аԥсны аминистрцәа Реилазаара абизнес маҷи абжьаратә бизнеси рыцхырааразы ирыдыркылаз апрограмма цхыраагӡоума, иарбан уадаҩрақәоу ҳтәылаҿы абизнес зынио, абарҭқәа рзы арадио аҿы игәаанагара иҳәеит аусдкылаҩ Низам Ҳапат.
Абизнес маҷи абжьаратә бизнеси рыдгылараз апрограмма рыдыркылеит Аминистрцәа Реилазаараҿы. 2022 шықәсазы абизнес ацхрааразы абиуџьет аҟынтәи иазоужьуп 50 миллион мааҭ.
Хапат игәаанагарала, ҳтәылаҿы абизнес арҿиаразы 50 миллион мааҭ даара имаҷуп.
"Уи ала ԥхьаҟа ҳазцаӡом, ари ала ҳусқәа ҳзыӡбаӡом. 50 миллион рыла ҳбизнес ҳзышьҭыхӡом. Сара гәык ԥсыкала исҳәоит. 30 шықәса ара абизнес снапы алакуп, уи азы хар сымамкәа издыруеит ҳҭагылазаашьеи ҳалшарақәеи", - азгәеиҭеит Хапат.
Иара еиҭеиҳәеит Аԥснынтәи Маиҟәаԥҟа ааԥхьара змаз гәыԥҩык анаплакҩцәа имҩаԥыргаз аиԥыларақәа ртәы, уи абизнес ашьақәгылашьа ҿырԥштәыс иааигеит.
"Аҳәынҭқарра абизнес ишадгыло, асистема шаԥырҵаз џьаушьаратәы иҟоуп. Ҿыц абизнес иалаго акредит азы апроблема рымаӡам, апроект ҟауҵеит, унеит, ҳа ҳаиԥш 24% ракәым, 7-8% шықәсык иҟаҵаны ирырҭоит. Аусура зҭаху аԥара имоу имаму иахәаԥшӡом, иара имоу апроект шаҟа ибзиоу иақәыршәаны ирыӡбоит иусқәа, идгылоит. Хәдықәҵарас иҟаиҵо имамзаргьы, уигь рыӡбоит", - еиҭеиҳәеит Хапат.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0