Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Бжьаниа иҳәеит Аҟәатәи ашьха аиҭашьақәыргылара Аинвестпрограмма иарбахоит ҳәа

© Sputnik Бадрак АвидзбаПантеон абхазских писателей
Пантеон абхазских писателей - Sputnik Аҧсны, 1920, 04.08.2022
Анапаҵаҩра
Yandex newsTelegram
Аҟәатәи ашьхаҿы иҟоуп ашәҟәыҩҩцәеи ауаажәларратә усзуҩцәеи рпантеон, апарктә зона, архитектуратә ҭыԥ ҷыда – арка.
АҞӘА, нанҳәа 4 – Sputnik, Бадраҟ Аҩӡба. Аԥсны анапхгара аҳәара ҟарҵоит Аҟәатәи ашьха аиҿкаара Аинвестпрограмма иарбазарц, Гагра иҟоу Ольденбургтәи ипарк еиԥш. Абри азы аҳәамҭа ҟаиҵеит Аслан Бжьаниа Аҟәа ауааԥсыра данырԥылоз.
Бжьаниа иазгәеиҭеит 2025 шықәсанӡа Аинвестпрограмма шеиқәыршәо, уи азы анаҩстәи апрограмма иарбахар алшоит. Бжьаниа иҳәеит азҵаара, хымԥада, ишыӡбахо.

"Ашьха аиҳарак ԥсабаратәым, иқәыԥсаны иҟаҵоуп. Аҵыхәтәантәи аамҭақәа рзы апроблемақәа цәырҵуа иалагеит. Ааигәа амҩа бгеит, уи аремонт азыҟаҳҵеит. Ақалақь амчала зегь узыӡбом. Аԥара рацәа аҭахуп. Ҳәарада ари аҭыԥ ишалшо ала аиҿкаара ҳҭахуп, аха иааиуа ҩышықәса ишҳалымшо аадыруеит, баша аҳәара иаԥсам. Убри азы абри абри ауп ҳәа арыцхә ҳалацәажәом", - иҳәеит Бжьаниа.

Аҟәа ахада Беслан Ешба иҳәеит, иалдоу ажрақәа акырҵуеит аус рымуеижьҭеи, ахыбра зынӡа иԥхасҭамхарц азы аҭҵаара аҭахуп.
"Сынтәа усурақәак мҩаԥган, амҩа 6 миллионк ақәхарџьын. Апантеон Атәыла аиҳабыра рымчала еиҭашьақәыргылахоит", - иҳәеит Ешба.
Ешба иажәақәа рыла аҵакыра арԥшӡаразы аԥара аԥшаара алдыршоит.
Встреча Бжания с активом Сухума, отчет главы за первое полугодие - Sputnik Аҧсны, 1920, 04.08.2022
Аԥсны
Аҟәа ахада 2022 шықәса аԥхьатәи азыбжазтәи аусураз аҳасабырба ҟаиҵеит
Ажәабжьқәа зегьы
0