Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Хышба: Аԥсны жәларбжьаратәи автотуризм аусхк арҿиалоит

© Foto / Пресс-служба Минтуризма РА Теймураз Хишба принял участие в Российском туристическом форуме
 Теймураз Хишба принял участие в Российском туристическом форуме - Sputnik Аҧсны, 1920, 06.08.2022
Анапаҵаҩра
Аԥсны атуризм аминистр "Жәларбжьаратәи автотуризми акемпингқәеи русхк аԥышәеи арҿиареи" атемала имҩаԥгаз астол гьежь аҟны дықәгылеит.
АҞӘА, нанҳәа 6 - Sputnik. Хара имгакәа Аԥсны акемпингқәеи жәларбжьаратәи автотуризм аусхкқәа арҿиалоит ҳәа аҳәамҭа ҟаиҵеит Аԥсны атуризм аминистр Ҭеимураз Хышба Урыстәылатәи атуристтә форум аҟны иқәгылараан. Абри атәы аанацҳауеит аусбарҭа апресс-маҵзура.
Хышба дызлахәыз астол гьежь аҟны автотуризм арҿиареи, уи знапы алаку ацхыраара рыҭареи атемақәа иралацәажәеит.
"Аԥсны аплиажқәа 220 км ыҟоуп, аҳәаақәа рыбжьара 170 км. Инаҵшьны иазгәасҭоит, избан акәзар, амашьынарныҟәҵаҩцәа сааҭқәак рыла атәыла ахы-аҵыхәа, аҭыԥ ԥшӡарақәа зегьы рбар рылшоит", - иҳәеит Хышба.
Хышба иазгәеиҭеит, уажәаԥхьа атәыла ахада Аԥсны автотуризм аҿиара азҵаара шышьҭиххьаз, уи ахырхарҭала аусурақәа шцо.
Хышба афорум асасцәа ирзеиҭеиҳәеит, СССР аамҭазы Аԥсны еицырдыруаз курортны ишыҟаз, усҟантәи аамҭазы автокемпингқәа рацәаны ишыҟаз. Уи адагьы, аминистр еиҭеиҳәеит, Аԥсны ҵыԥхтәи атурсезон аҵыхәтәантәи 30 шықәса рзтәи арбагақәа иреиҳахеит ҳәа.
Глава Минтуризма Абхазии Теймураз Хишба встретился в Москве с замглавы Ростуризма Еленой Лысенковой - Sputnik Аҧсны, 1920, 05.08.2022
Аԥсны
Ҭеимураз Хышбеи Ростуризм ахада ихаҭыԥуаҩи Аԥсны атуризм аԥеиԥш иалацәажәеит
"Асовет Еидгыла анеилаҳа ашьҭахь арбагақәа - 1, 5 млн ҩык. Еилышәкаарц исҳәоит, Аԥсны инхоит 240 нызқьҩык, уи аҟынтә 1,5 млн ҩык ҳара ҳзы ари ахыԥхьаӡара дууп. 2022 шықәса ртәы ҳҳәозар, уахыки-ҽнаки рыла аурыс-аԥсуа ҳәаа иахысуеит 65 нызқьҩык", - иҳәеит иара.
Аминистр иҳәеит уахыки-ҽнаки рыла Ԥсоу аҳәаа наҟ-ааҟ иахысуеит 11 нызқь машьына. Арҭ арбагақәа рыла алкаа ҟаҵо иуҳәар ҟалоит, аҵыхәтәантәи аамҭазы аиҳарак амашьынақәа рылоуп ԥсшьара изцо ҳәа. Ари ахырхарҭа арҿиаразы Аԥсны алшарақәа амоуп, атранзиттә мҩагьы уахь иналаҵаны- атәыла уалсны Ҭырқәтәыла, Ермантәыла, Иран, Азербаџьан уцар ҟалоит.
Абхазский Инвестиционный форум в Сочи - Sputnik Аҧсны, 1920, 03.08.2022
Аԥсны
Аԥсны аинвестициатә форум ҭагалан амҩаԥгара азгәаҭоуп
Ажәабжьқәа зегьы
0