https://sputnik-abkhazia.info/20220809/akhya-rzy-ashakhmatt-turnira--asny-open-any-iaiaaiz-aamaa-ryreit-1040822551.html

Ахәыҷқәа рзы ашахматтә турнирқәа "Аԥсны Open" аҟны иаиааиз аҳамҭақәа рырҭеит

Ахәыҷқәа рзы ашахматтә турнирқәа "Аԥсны Open" аҟны иаиааиз аҳамҭақәа рырҭеит

Sputnik Аҧсны

Аҟәа ихыркәшахеит есышықәсатәи Жәларбжьаратәи ашахматтә фестиваль "Абхазия Open"Аԥсны 2022". 09.08.2022, Sputnik Аҧсны

2022-08-09T09:44+0300

2022-08-09T09:44+0300

2022-08-09T09:44+0300

аԥсны

ажәабжьқәа

аспорт

https://cdnn1.img.sputnik-abkhazia.info/img/07e6/08/08/1040820182_0:45:1170:703_1920x0_80_0_0_63c3ebce89bfc3e3b133df11a75b3ff0.jpg

АҞӘА, нанҳәа 9 - Sputnik. Ахәыҷқәа рзы ашахматтә турнирқәа В; С, Жәларбжьаратәи ашахматтә фестиваль "Аԥсны Open" аҟны иаиааиз аҳамҭақәа рырҭеит ҳәа аанацҳауеит аспорт азы Аҳәынҭеилакы. Афестиваль аҳәаақәа ирҭагӡаны имҩаԥган х-турнирк: адуцәа рзы (атурнир А), ахәыҷқәа рзы (В – 8 - 12 шықәса зхыҵуа, С – 8 шықәса рҟынӡа зхыҵуа). Аицлабрақәа мҩаԥысуеит швеицариатәи асистемала. Зынӡа атурнирқәа ирылахәын 60-ҩык ахәыҷқәа Аԥсни Урыстәылеи рҟынтәи. Имҩаԥган 7 турк. 12 шықәса рҟынӡа зхыҵуаз аӡӷабцәа рыбжьара актәи аҭыԥ лгеит Полина Марченко, аҩбатәи - Викториа Бурхан, ахԥатәи - Евридика Михаилиди. Аҷкәынцәа рыбжьара актәи аҭыԥ игеит Георги Орлов, аҩбатәи - Емиль Аведикиан, ахԥатәи - Руслан Занҭариа. 8 шықәса рҟынӡа зхыҵуа аӡӷабцәа рыбжьара актәи аҭыԥ лгеит Анна Ԥалаванӡиаԥҳа, аҩбатәи - Анастасиа Қаҩԥҳа. Аҷкәынцәа рыбжьара актәи аҭыԥ игеит Баграт Аршба, аҩбатәи - Константин Бранӡиа, ахԥатәи - Давид Тҟьебучаа. Аӡбаҩ хада - Оҭар Хәырхәмал. Аиҿкааҩцәа - Аҿари аспорти рзы аҳәынҭқарратә еилакы. Адуцәа аԥхьахәқәа рыҭахоит нанҳәа 10 рзы. Афестиваль апрограммаҿ иазԥхьагәаҭоуп рапид (нанҳәа 11), блиц азы атурнир (нанҳәа 12).

2022

Ажәабжьқәа

ab_AB

ажәабжьқәа, аспорт