Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Асахьақәа рцәыргақәҵа "Аллюзия античности" аатит Аԥсны Абанк амузеи аҿы

© Sputnik / Леон Адлейба Выставка картин "Аллюзия античности" открылась в музее Банка Абхазии
Выставка картин Аллюзия античности открылась в музее Банка Абхазии  - Sputnik Аҧсны, 1920, 19.08.2022
Анапаҵаҩра
НовостиTelegram
Аекспозициаҿ жәа-сахьак цәыргоуп, ацәырақәҵа аус ауеит нанҳәа 30 рҟынӡа.
АҞӘА, нанҳәа 19 – Sputnik, Бадраҟ Аҩӡба. Аԥшьа Ҳагԥҳаи Диана Хынҭәԥҳаи русумҭақәа рцәыргақәҵа "Аллюзия античности" захьӡу аатит Аԥсны Абанк амузеи аҿы.

"Аҟыбаҩ ссир злоу ҳсахьаҭыхыҩцәа Аԥшьа Ҳагԥҳаи Диана Хынҭәԥҳаи аинтерес зҵоу рыпроект амҩаԥгара шаҳаҭцәас шәаиуит. Апроект идеиас иамоуп иӡит ҳәа иаҳшьоз иахьатәи ҳаамҭеи антикатә аамҭеи реимадарақәа раарԥшра", - иҳәеит амузеи адиректор Асҭамыр Ҭаниа.

Иара иҳәеит антикатәи аамҭа ашьҭақәа иахьатәи ауаҩы иааикәыршаны ишубо. Иаҳҳәап, "Брехаловка" аколоннада, Аԥсуа драматә театр уҳәа егьырҭгьы.
"Цқьа ҳнаԥшааԥшыр, иаабоит иааҳакәыршаны антикатәи аҟазшьақәа шыҟоу. Иара ықәымӡааӡеит, археологиа иамгаӡеит. Иаҳҳәап, иҟоуп амифологиа. Ҳара ажәытә колхаа ҳархылҵшьҭроуп. Ус анакәха, антикатә мифологиа ҳахәҭакуп. Иаҳгәалаҳаршәап Минотаври Ариаднеи ран колхтәи апринцесса Пасифаиа шлакәыз", - иҳәеит Ҭаниа.
© Sputnik / Леон Адлейба Асахьақәа рцәыргақәҵа "Аллюзия античности" аатит Аԥсны Абанк амузеи аҿы
Выставка картин Аллюзия античности открылась в музее Банка Абхазии  - Sputnik Аҧсны, 1920, 18.08.2022
Асахьақәа рцәыргақәҵа "Аллюзия античности" аатит Аԥсны Абанк амузеи аҿы
Асахьаҭыхыҩцәа Рцәыргақәҵатә зал хада адиректор Ельвира Арсалиаԥҳа илҳәеит апроект интересуп ҳәа амузеии арҿиаратә ҟазара злу ауааи реимадараз.
"Агәахәара ду унаҭоит Дианеи Аԥшьеи адиалог ахьрықәҿиаз – ахыргьагьа, аныԥшылара, аллиузиа уҳәа зегьы еиҿыркааит иуникалу акультуратә код. Ҳара уи ҳныруеит, еилаҳкаауеит", - азгәалҭеит Арсалиаԥҳа.
Асахьаҭыхыҩ Аԥшьа Ҳагԥҳа илҳәеит Абанк амузеи аҿы иҵәаху антикатәи аԥараҿырпқәа рышьаҭала асахьа аԥҵара Диана Хынҭәԥҳаи лареи иаалырҟьаны ишырыӡбаз.
© Sputnik / Леон Адлейба Асахьақәа рцәыргақәҵа "Аллюзия античности" аатит Аԥсны Абанк амузеи аҿы
Выставка картин Аллюзия античности открылась в музее Банка Абхазии  - Sputnik Аҧсны, 1920, 18.08.2022
Асахьақәа рцәыргақәҵа "Аллюзия античности" аатит Аԥсны Абанк амузеи аҿы
"Дианагьы саргьы ари амузеи даара бзиа иаабоит. Лассы-лассы арахь ҳааилоит. Сара ара иҵәаху аекспонатқәа санрыхәаԥшуа сгәы иаанагоит дара аҟазараҿ адагьы абзазараҿ ахархәара рымоуп, иааҳакәыршаны иҟоуп ҳәа", - лҳәоит асахьаҭыхыҩ.
Лара еиҭалҳәеит аусумҭақәа мызкы инарзынаԥшуа аус шрыдырулоз.
Ацәыргақәҵа аартызаауеит нанҳәа 30 рҟынӡа.
© Sputnik / Леон Адлейба Асахьақәа рцәыргақәҵа "Аллюзия античности" аатит Аԥсны Абанк амузеи аҿы
Выставка картин Аллюзия античности открылась в музее Банка Абхазии  - Sputnik Аҧсны, 1920, 18.08.2022
Асахьақәа рцәыргақәҵа "Аллюзия античности" аатит Аԥсны Абанк амузеи аҿы
Ажәабжьқәа зегьы
0