Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Краснодартәи аҳазалхыҩцәа Аԥснынтәи аҭаҭынаалыҵ Урыстәылаҟа алагалара аԥдырҟәҟәааит

© Foto / пресс-служба Сочинской таможни Контрабанда сигарет
Контрабанда сигарет  - Sputnik Аҧсны, 1920, 23.08.2022
Анапаҵаҩра
Административтә зинеилагара ҳәа аусҭҵаарақәа хацыркуп. Аҭаҭынаалыҵ рымхуп.
АҞӘА, нанҳәа 23 – Sputnik. Иҳаҩсыз ҩымш рыла урыстәылатәи аҳазалхыҩцәа Аԥснынтәи Урыстәылаҟа 3000 аҭаҭын ҭоԥ закәаншьаҭада аиагара аԥдырҟәҟәааит. Абри атәы аанацҳауеит Краснодартәи аҳазылхратә усбарҭа апресс-маҵзура.
Нанҳәа 22 ауха, 1989 шықәса рзы ииз Аԥсны атәылауаҩ имашьына ГАЗ 2217 ала Германиа иҭыжьу аҭаҭын "CHAPMAN VANILLA" 1853 ҭоԥ закәаншьаҭада аҳәаа ахыгара иҽазишәеит.
"Аҳазалхратә гәаҭарақәа анымҩаԥысуаз изакәанымкәа автомашьына иҭаҵәахыз аҭаҭынаалыҵ ԥшаан", - иҳәеит Аҳазалхырҭатә аушьҭырҭатә ҭыԥ "Адлер" аиҳабы Алексеи Быков.
Аусҭҵаара мҩаԥыргоит, амашьынеи аҭаҭынаалыҵи рымхуп.
Иара убас, нанҳәа 23 рзы ашьыжь, амашьына Haval Jolion ала Аԥсныҟа ииаргар рҭахын адырга ҷыда змамыз 1080 ҭоԥ асигарет. Аҭаҭынаалыҵ ԥшаан амашьына аидараҭагаҵаҿи амҩатә шәыраҟни.
2022 шықәса иалагазар краснодартәи аҳазалхыҩцәа аԥсуа-аурыс ҳәаа 117-нтәы аҭаҭынаалыҵ ахыгара аԥдырҟәҟәааит, урҭ рахьтә 17- аҳазалхратә хылаԥшра иацәыҵәахны. Административтә зинеилагаразы 230 ус хацыркуп, 500 нызқь асигарет рымхуп.
Ажәабжьқәа зегьы
0