Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥснытәи акоманда АрМИ-2022 алахәзаара хнаркәшеит

© FotoАбхазская команда в "Танковом биатлоне" на АрМИ-2022
Абхазская команда в Танковом биатлоне на АрМИ-2022 - Sputnik Аҧсны, 1920, 28.08.2022
Анапаҵаҩра
Жәларбжьаратәи арратә хәмаррақәа АрМИ-2022 мҩаԥысуан нанҳәа 12-27 рзы 12 хәынҭқарра рҵакыраҿы.
АҞӘА, нанҳәа 28 - Sputnik. Аԥсны Атәылахьчара аминистрра аруаа АрМИ-2022 ралахәзаара хдыркәшеит, абри атәы Sputnik иазеиҭеиҳәеит Аԥсны Арбџьармчқәа Рыштаб хада аиҳабы ихаҭыԥуаҩ, аподполковник Вадим Камкьиа.
Камкьиа иазгәеиҭеит, Аԥснытәи акоманда 34 команда рыбжьара 19 аҭыԥ шаннакылаз.
Аԥсны Атәылахьчара аминистрра аруаа быжь-еицлабрак ирылахәын:
"Атанктә биатлон"- 7 аҭыԥ,
"Иҷыдоу аҵҟьара"- 4 аҭыԥ,
"Ельбрустәи амацәаз"- 6 аҭыԥ,
"Арра-медицинатә естафета"- 6 аҭыԥ,
"Аснаипертә рубеж"- 7 аҭыԥ,
"Ари акультуреи",
"Амилаҭтә чыс".
Камкьиа иажәақәа рыла, Урыстәыла атәылахьчара аминистр Сергеи Шоигу иусԥҟала Аԥснытәи атанкистцәа "Арратә еимабзиара арӷәӷәаразы" амедалқәа ранашьоуп.
Жәларбжьаратәи арратә хәмаррақәа рыҿиараҿы илагалазы амедал ианашьан агәыԥ алахәыла, амаиор Нинуа, атанкистцәа ргәыԥ анапхгаҩы, аполковникеиҵбы Уанаҿа аобективла иӡбарақәа рзы аҳаҭыртә шәҟәы ианашьан.

"Иааидкыланы ҳалҵшәақәа цәгьам ҳәа сахәаԥшуеит, амала наҟ-наҟ иҵегь аҽазыҟаҵарақәа ҳҭахуп",- иҳәеит Камкьиа.

Аԥснытәи еизгоу акоманда шьақәгылан 80-ҩык аруаа рыла. Акоманда Аҟәатәи аҳаирбаӷәазаҟынтәи иԥрит нанҳәа 3 рзы Москваҟа. Аԥсны АрМИ иалахәуижьҭеи хышыкәса ҵуеит.
Ажәабжьқәа зегьы
0