Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

Атәылахьчара аминистрраҿы ирҳәеит Украина абиолабораториақәа рзы ЕАА шаҟа ԥара нырхыз

Анапаҵаҩра
НовостиTelegram
Алабораториақәа рҟны америкатәи аҟазауаа иҭырҵаауан Украинеи Урыстәылеи рҵакырақәа рҿы ицәыҵуаз ачымазарақәа.
АҞӘА, цәыббра 4 - Sputnik. Пентагон 250 миллион доллар нырхит Украина абиолабораториақәа рыпроектқәа рзы ҳәа аҳәамҭа ҟаиҵеит Урыстәыла Арбџьармчқәа иртәу арадиациатә, ахимиатә, абиологиатә хьчара архәҭақәа реиҳабы Игорь Кириллов.
Кириллов ишиҳәаз ала, америкатәи аиҳабыра хара имгакәа Украинантәи абиолабораториақәа Мрагыларатәи Европа атәылақәа рахь ииаргоит - Болгариа, Чехиа, Балтиа.
"Абиологиатә бџьар акомпонентқәа раԥҵареи рыҵәахреи ахьалшо абиолабораториақәа рыцҵара Урыстәылатәи Афедерациа ашәарҭадара иаԥырхагоуп", - иҳәеит Арадиациатә, ахимиатә, абиологиатә хьчара архәҭақәа реиҳабы.
Кириллов иациҵеит алабораториақәа алабораториақәа рҿы иҭырҵаауаз ачымазарақәа Украина агәабзиарахьчара апроблемақәа ишрышьашәаламыз - абҷы, аџьамҳапар, аимҳәаду, СПИД рҭыԥан иҭырҵаауан амырза, аҭалоу, атулиаремиа, Конго-Ҟрымтәи арыхьҭшьра, ахантавирусқәа.
Америкатәи аруаа аепидемиологиатә ҭагылазаашьа иахылаԥшуашәа рҳәоит, аха уи еиҳагьы еицәахеит, аџьамҳапар, адифтериа, аимҳәаду, абҷы ахҭысқәа шәынтә еиҳахеит.
Обучение ординаторов диагностике COVID-19 в клинике Волгоградского медицинского университета - Sputnik Аҧсны, 1920, 27.04.2022
Урыстәыла Донбасс имҩаԥнаго арратә операциа ҷыда
Украина иҟоу абиолабораториақәа. Иахьа урҭ рзы идырузеи
Урыстәылатәи аган изныкымкәа ирҳәахьан Украинеи егьырҭ атәылақәеи рҿы аус зуа америкатәи алабораториақәа рҿы имҩаԥырго аԥышәарақәа ашәарҭара шрыҵоу.
Урыстәыла атәылахьчара аминистрра адунеитә уаажәларра рахь ааԥхьара еиҭа иҟанаҵеит Абиологиатә бџьар азы Аконвенциа аԥҟарақәа ишрықәныҟәо гәазҭо амеханизм аԥҵазарц, ЕАР Ашәарҭадаратә Хеилак амчала ахҭысқәа ҭҵаазарц.
Ажәабжьқәа зегьы
0