Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ҟабарда-Балкариатәи асахьаҭыхыҩцәа рцәыргақәҵа аартхоит Аҟәа

© Sputnik Центральный выставочный зал
Центральный выставочный зал  - Sputnik Аҧсны, 1920, 19.09.2022
Анапаҵаҩра
НовостиTelegram
"Интеграция" аартра иаԥшьгаҩцәоуп Аԥсны Асахьаҭыхыҩцәа реидгыла, Ацәыргақәҵатә зал хада, Ҟабарда-Балкариа Асахьаҭыхыҩцәа реидгыла, Нальчик ақалақь арҿиаратә еидгыла "Сидникат".
АҞӘА, цәыббра 19 - Sputnik. Ҟабарда-Балкариатәи асахьаҭыхыҩцәа рцәыргақәҵа "Интеграциа" аартхоит Аҟәа цәыббра 20 рзы ҳәа арадио Sputnik иазеиҭалҳәеит Аԥсны Асахьаҭыхыҩцәа реидгыла АЗХ адиректор Ельвира Арсалиаԥҳа.
Лара илҳәеит ацәыргақәҵахь русумҭақәа шаарго: Елина Караева – афотосахьақәеи аинсталлиациеи, Милана Хацукова – акерамика.

"Ари сынтәа раԥхьатәи ҭагалантәи цәыргақәҵоуп. Иаатуеит Ҟабарда-Балкариатәи Ареспублика аҟазауаа русумҭақәа рыла. Миланеи Елинеи ацәыргақәҵа еицымҩаԥыргарц рыӡбеит, ртемақәа ахьеизааигәоу азы. Уи ауп "Интеграция" ҳәа захьӡырҵаз", - лҳәеит Арсалиаԥҳа.

Арсалиаԥҳа иазгәалҭеит апроект "Интеграция" – цәыргақәҵатә ҵакырак аҿы еидкыло ҩыџьа асахьаҭыхыҩцәа рыҭҵаарақәа роуп. Дара досу рхатә хырхарҭа рымоуп, рхатә маҭәар, рхатә техника рныԥшуеит. Иара убри аан ацәыргақәҵа еицырзеиԥшу проектуп.
Арсалиаԥҳа илҳәеит Аиааира Амш аламҭалаз Ацәыргақәҵатә зал Хада аҩбатәи азал аҿы ишаатхо аԥсуа сахьаҭыхыҩцәа русумҭақәа рцәыргақәҵара. Ацәыргақәҵа "Интеграциа" хыркәшахоит цәыббра 30 азы.
Ажәабжьқәа зегьы
0