https://sputnik-abkhazia.info/20220927/afond-ashana-auktsion-manageit-zeish-mau-achymazara-zmou-akhyy-itskhraarazy--1041732690.html

Афонд "Ашана" аукцион мҩаԥнагеит зеиԥш маҷу ачымазара змоу ахәыҷы ицхрааразы

Афонд "Ашана" аукцион мҩаԥнагеит зеиԥш маҷу ачымазара змоу ахәыҷы ицхрааразы

Sputnik Аҧсны

Аукцион аҿы еизыргаз аԥарақәа зегьы афонд "Ашана" хылаԥшра знаҭо 14 шықәса зхыҵуа Михаил Реиман (адиагноз- буллезныи епидермолиз) ихҭынҵахоит. 27.09.2022, Sputnik Аҧсны

2022-09-27T13:00+0300

2022-09-27T13:00+0300

2022-09-27T13:00+0300

аԥсны

ажәабжьқәа

https://cdnn1.img.sputnik-abkhazia.info/img/07e6/09/1a/1041728653_0:115:1512:966_1920x0_80_0_0_0612fa2d47c65d1fe96abfc3f10a7634.jpg

АҞӘА, цәыббра 27 – Sputnik, Асмаҭ Ҵәыџьԥҳа. Иаркыз агәыҳалалратә аукцион "Аԥсҭазаара ахьӡала" мҩаԥнагеит афонд "Ашана" Аԥсуа драматә театр аҿы цәыббра 26 рзы. Еизган 512 000 мааҭ. Аԥсны ахәыҷы изинқәа ахылаԥшра рызҭо, афонд "Ашана" адиректор Мактина Џьынџьалԥҳа илҳәеит 300 000 мааҭ шеизыргахьаз, аха уи инацҵаны ишыӡбаз аукцион амҩаԥгара.Аукцион аҿы 16 лот цәырган: Асида Аҳәԥҳа лколлекциатә кьанџьақәа, асахьаҭыхыҩцәа Ҭемыр Ҵәыџьба, Баҭал Џьапуа, Александр Боиаџьан, Саид Возба, Аԥшьа Ҳагԥҳа, Адгәыр Амԥар, Диана Хынҭәԥҳа рырҿиамҭақәа, Амилаҭтә банк агәаларшәагатә ԥараҿырпқәа, аиувелиртә лыхымҭақәа, хәызмоу ашәҟәқәа, акурорт "Пицунда" аҿы аҭаацәа рзы аԥсшьарамшқәа. Актәи алот - Архип Лабахәуа акалам иалху ичықьмача ҭиин 21 000 мааҭ ҳәа (аԥхьанатәтәи ахә – 7000), Асида Аҳәԥҳа лыкьанџьа 20 000 ҳәа зыхә шьаз ҭиин 90 000 нызқь ҳәа. Адгәыр Амԥар иусумҭа сахьа "Акомпозициа" аԥхьанатәтәи ахә 40 000 мааҭ ыҟан, иҭиин - 45 000 мааҭ ҳәа. Аҵыхәтәантәи аукцион "Ашана" имҩаԥнагеит 2019 шықәсазы. Еизган 240 нызқь мааҭ.

https://sputnik-abkhazia.info/20220905/anomer-shaa-afond-ashana-agyalalrat-auktsion-aikhshalaa-anaeit-1041324213.html

2022

Ажәабжьқәа

ab_AB

ажәабжьқәа