Микрофон  - Sputnik Аҧсны, 1920
Арадио

Аԥсны еицырдыруа ауаа: Аблоҭиа аԥсуа кино азы ихәыцрақәа ирызкны

Аԥсны еицырдыруа ауаа: Аблоҭиа аԥсуа кино азы ихәыцрақәа ирызкны
Анапаҵаҩра
НовостиTelegram
Акинорежиссиор, асценарист, Урыстәыла Акинематографистцәа реидгыла алахәыла, акиностудиа "Аԥсуафильм" аиҳабы, Аԥсны Жәлар рартист Виачеслав Аблоҭиа жьҭаара 19 рзы иазгәеиҭоит ииубилеи. Аҟаза арадио Sputnik аефир аҿы аԥсуа акино иадҳәало ихәыцрақәа ртәы еиҭеиҳәеит.
Сусура сара сзы иԥсшьароуп, аҟазараҿы аус зуа зегьы ашьцылара бааԥсы змоу ҳаиҩызоуп, ҳус ҳаҿызароуп, ҳәа ихациркит аиҿцәажәара Аблоҭиа арадиоефир аҿы.
"Ашықәс рацәа акәӡам аус злоу, аус злоу агәабзиароуп. Уҷкәынаны ухы уԥхьаӡозар, еснагь уҷкәыназаауеит. Сықәра злаҟоу ала ак сыламскәа ауӡом, аха сгәы сырӷәӷәоит", - иҳәеит Аблоҭиа.
Аиҿцәажәараҿы акинорежиссиор иҳәеит, иқәыԥшра аамҭа шыгәхьааиго, уи изацу агәалашәарақәа ртәы еиҭеиҳәеит.
"Асовет аамҭазы зегьы ҳахьчан, ҳаԥхьаҟа акы ҳақәгәыӷуан. Издыруан, аинститут салгар, сааны ара аус шызуа, уажәы ус иҟаӡам. Ихьаазгоит Асовет мчра ахьеилаҳаз, аидеиологиа ҳаман, ҳаԥсҭазаара цәгьазар ҟаларын, аха акы ҳақәгәыӷуан. Сара сыԥсадгьыл Аԥсноуп, аха сара - Асовет мчра иааӡаз уаҩуп", - иҳәеит Аблоҭиа.
Иара иазгәеиҭеит, даҽа ԥсҭазааракгьы абас ишыихыигоз, аԥсҭазаара анахь-арахь укыднаҟьоит, аха уи еиҳа удоуҳа азнарҳауеит, иаҳа амч унаҭоит, ҳәа иҳәеит аиубилиар аиҿцәажәараан.
Аԥсуа кинематографиа аԥеиԥш атәы дазааҭгыло Виачеслав Аблоҭиа иҳәеит, уи аҿиара аиур, иус ҟаиҵеит ҳәа ишыиԥхьаӡо.
"Сара усҟак аԥара сашьҭаӡам, ахьӡ ауп. Пату ануқәырҵо, уаргьы угәы иаахәаны аус ууеит. Аҟазараҿы аус зуа зегьы усоуп", - иҳәеит Аблоҭиа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0