https://sputnik-abkhazia.info/20221029/1042316317.html
Уҿаӡы аазго: ҽаҩраҭагалан аҟәатәи аџьармыкьаҿы
Уҿаӡы аазго: ҽаҩраҭагалан аҟәатәи аџьармыкьаҿы
Sputnik Аҧсны
Sputnik афотолентаҿы шәахәаԥш аҟәатәи аџьармыкьаҿы иуԥыло ԥштәырацәала, гьамахыркыла еилаԥсоу, уҿаӡы аазго аҽаҩра афотосахьақәа. 29.10.2022, Sputnik Аҧсны
2022-10-29T14:30+0300
2022-10-29T14:30+0300
2022-10-31T15:04+0300
афотосахьақәа
аԥсны
https://cdnn1.img.sputnik-abkhazia.info/img/07e6/0a/1c/1042297617_0:115:1512:966_1920x0_80_0_0_3246b94ae43b034982dab53122a51dd1.jpg
Аԥсшьаразы акадифаамҭа алызхуа ауаа Аҟәаҟа иаар, хымԥада аҭыԥантәи аџьармыкьа иаҭаароуп. Ара уахьынаԥшлакгьы улаԥш иҵашәоит ари ҽаҩраҭагалан еиныргало ашәырхкқәеи ауҭраҭыхқәеи зеиуахк уҭаху – афеихоа, акоролиок, ахәырма, ахьа, аҵәа, ҳәара аҭахума - раԥхьатәи амандаринақәа. Урҭ макьана цқьа имҩежьхахьазаргьы, ргьама бзиахахьеит.Аџьармыкьаҿ шәнеизар, хымԥада шәаҩымсроуп аџьынџьыхәа, амала ажьырӡы цқьа иалху ақылмышь еиқәара иӡаашьу аџьынџьыхәоуп иаашәхәаша. Егьыс, акакан акәу араса акәу рыуа ишәҭаххалак, агха шәыхьуам, ак аҵкыс ак еиӷьуп.Ахәырмарҩа акәзар - иагьызлоуп, иагьухаҳауеит азы мап ацәышәымкын, иара убас иаамхәакәа узлавсри ахьа - аҩны инаганы амца иҽҳәаҵаны иӡны ишәфар, агьама ахаан ишәхашҭран шәыҟаӡам.Ҽаҩраҭагалан аҳамҭақәа жәбар шәҭахызар, шәахәаԥш аҟәатәи аџьармыкьа иазку Sputnik афотолента.
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
фото, афотосахьақәа, аԥсны
фото, афотосахьақәа, аԥсны
Уҿаӡы аазго: ҽаҩраҭагалан аҟәатәи аџьармыкьаҿы
14:30 29.10.2022 (ирҿыцуп: 15:04 31.10.2022) Sputnik афотолентаҿы шәахәаԥш аҟәатәи аџьармыкьаҿы иуԥыло ԥштәырацәала, гьамахыркыла еилаԥсоу, уҿаӡы аазго аҽаҩра афотосахьақәа.
Аԥсшьаразы акадифаамҭа алызхуа ауаа Аҟәаҟа иаар, хымԥада аҭыԥантәи аџьармыкьа иаҭаароуп. Ара уахьынаԥшлакгьы улаԥш иҵашәоит ари ҽаҩраҭагалан еиныргало ашәырхкқәеи ауҭраҭыхқәеи зеиуахк уҭаху – афеихоа, акоролиок, ахәырма, ахьа, аҵәа, ҳәара аҭахума - раԥхьатәи амандаринақәа. Урҭ макьана цқьа имҩежьхахьазаргьы, ргьама бзиахахьеит.
Аџьармыкьаҿ шәнеизар, хымԥада шәаҩымсроуп аџьынџьыхәа, амала ажьырӡы цқьа иалху ақылмышь еиқәара иӡаашьу аџьынџьыхәоуп иаашәхәаша. Егьыс, акакан акәу араса акәу рыуа ишәҭаххалак, агха шәыхьуам, ак аҵкыс ак еиӷьуп.
Ахәырмарҩа акәзар - иагьызлоуп, иагьухаҳауеит азы мап ацәышәымкын, иара убас иаамхәакәа узлавсри ахьа - аҩны инаганы амца иҽҳәаҵаны иӡны ишәфар, агьама ахаан ишәхашҭран шәыҟаӡам.
Ҽаҩраҭагалан аҳамҭақәа жәбар шәҭахызар, шәахәаԥш аҟәатәи аџьармыкьа иазку Sputnik афотолента.
Аҟәатәи аџьармыкьаҿы уажәааны анхацәа ҽаҩраҭагалантәи шәыри уҭраҭыхи иуԥымло ҳәа ак ыҟам. Иаҳҳәап, Аԥсны аҟаб хкқәа акымкәа аадрыхуеит, уи рфоит ижәны, иӡны, аџьыка, ацҳа ахьшьны, иара убас аџьем алызхуагьы ыҟоуп.
Аҳҭнықалақь анхацәа ҭагалан аԥштәқәа ргәарԥханы даргьы уи рҽадырнаалоит.
Аԥсуаа ртрадициатә хаамыхаақәа иреиуоу аџьынџьыхәа аџьармыкьаҿы ана-ара иуԥылоит, араса ма акакан рыԥхрақәа ақалмышь адагьы, еиуеиԥшым, зыԥштәы еилаԥсоу ашәыреиларшқәа ирӡааршьуеит.
Аҭиҩцәа аахәаҩцәа ртауар ргәадырԥхарц азы изладырԥхьалаша амаӡақәа рымоуп. Иарбан шәыри уҭраҭыхи уахьрыхәаԥшуа, иаасхәандаз уҳәо иҟазароуп.
Аџьармыкьаҿы иқәгылоу реиҳараҩык аиҭаҭиҩцәа роуп, аха аӡәырҩы рхатәы аарыхрагьы рҭиуеит.
Ара уажәшьҭа имаҷымкәа иуԥылоит аҭыԥантәи амандарина аҽаҩрагьы, уи макьана цқьа имҩежьхахьазаргьы, агьама бзиоуп.
Иаамхәакәа узлавсри ахьа - аҩны инаганы амца иҽҳәаҵаны иӡны ишәфар, агьама ахаан ишәхашҭран шәыҟаӡам.
Аҭиҩцәа реиҳараҩык рфотосахьақәа ҭухыр рҭахым, аха иҟоуп уи мап ацәымкқәа зхы-зҿы лахҿых ала угәы зырԥхогьы.
Аҵәа зеиуахкы уҭаху убоит аџьармыкьаҿы, иаҳа-иаҳа ирацәахо иалагеит аҭыԥантәи ахкқәагьы, џьарантә иаагоу раасҭа урҭ еиӷьымзар еицәам. Урҭ рыда заҭәазымшьо аахәаҩцәа рзгьы гәырӷьароуп.
Афеихоа иалху ашәырӡи ашәыреиларши раркра аамҭа ааит.
Аџьармыкьаҿы ана-ара иуԥылоит Фазиль Иксандер иҩымҭақәа ирфырхацәоума ззуҳәаша ауаа.
![Аԥсуаа жәытәнатә аахыс аԥсабара ирнаҭоз "аҳамҭақәа" ирылхны ахаамыхаақәа ҟарҵон. Урҭ иреиуоуп ахәырмарҩа, агьамагьы хаауп, агәабзиарагьы иазеиӷьуп. - Sputnik Аҧсны](https://cdnn1.img.sputnik-abkhazia.info/img/07e6/0a/1d/1042318488_0:0:1512:1080_600x0_80_0_1_eca2a510a786c53895a589a63496a63b.jpg "Аԥсуаа жәытәнатә аахыс аԥсабара ирнаҭоз "аҳамҭақәа" ирылхны ахаамыхаақәа ҟарҵон. Урҭ иреиуоуп ахәырмарҩа, агьамагьы хаауп, агәабзиарагьы иазеиӷьуп.")
Аԥсуаа жәытәнатә аахыс аԥсабара ирнаҭоз "аҳамҭақәа" ирылхны ахаамыхаақәа ҟарҵон. Урҭ иреиуоуп ахәырмарҩа, агьамагьы хаауп, агәабзиарагьы иазеиӷьуп.
Аԥсны иаҭаауа аԥсшьацәа аџьармыкьаҿы ианнеиуа, аҭиҩцәа гәырӷьаҵәа урҭ ртауар агьама ддырбоит, уи алагьы асасдкылара аадырԥшуеит.
