Микрофон  - Sputnik Аҧсны, 1920
Арадио

Хра злоу ахҭысқәа: Малиа амилициаҿы иусура иазкны

Хра злоу ахҭысқәа: Малиа амилиациаҿы иусура иазкны
Анапаҵаҩра
НовостиTelegram
Абҵара 10 азы Аҩныҵҟатәи аусқәа рминистрра аусзуҩ имш азгәарҭоит. 38 шықәса азинхьчаратә усбарҭаҟны аус зухьоу, аполковник ԥхьатәа Валери Малиа арадио Sputnik иазеиҭеиҳәеит, иахьатәи аамҭазы амилициа аусзуҩцәа ирԥыло ауадаҩрақәеи ихатә ԥышәеи ртәы.
Арадио аефир аҟны Валери Малиа еиҭеиҳәеит ихы-игәы иҭамкәа азинхьчаратә усбарҭаҟны аусура дшалагази, Калининград аҵараиурҭа дышҭалази ртәы.
"Асовет мчра ашықәсқәа рзы амилициаҿы аусура еиҳа имариазшәа збоит. Иахьа лшарас иҟоу ҳамаӡамызт, усҟан ухи-ушьамхи аус аур акәын", - иҳәеит Малиа.
Аполковник ԥхьатәа игәалаиршәеит быжьқыҭак рҿы хылаԥшҩыс аус аниуаз аамҭа. Малиа игәаанагарала, иахьа амилициа русзуҩцәа рымацара акгьы рзеиҿкааӡом, ауаа азакәан иацымныҟәар.
"Аформа зшәу ауаҩы данубо ухы даҽакала имҩаԥыугар ауп, ацәгьа угәы иузҭакӡом. Анкьа, ақыҭақәа рахь мчыбжьык ахь знык иадымхаргьы ҳнеир акәын, ауаа ҳрацәажәон. Усҟан амилициахь аусура ҳәа ирыдыркылоз ауаа ҭҵааны акәын ишрыдыркылоз", - иҳәеит иара.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0