Аҟәа иаатит Нугәзар Логәуа ицәыргақәҵа
© Sputnik / Леон Адлейба
Анапаҵаҩра
Нугәзар Логәуа - Аԥсны асахьаҭыхыҩцәа реидгыла алахәыла, Аԥсныҭәи аҳәынҭқарратә университет аҟазара афакультет адекан, 2020 шықәса аахыс акультуреи аҭҵаарадырреи рзы Аԥсны ахада иабжьгаҩ.
АҞӘА, абҵара 22 – Sputnik, Бадраҟ Аҩӡба. Аԥсны еицырдыруа асахьаҭыхыҩ, аҿыханҵаҩ, арҵаҩы, Аԥсныҭәи аҳәынҭқарратә университет аҟазара афакультет адекан Нугәзар Логәуа ицәыргақәҵа аатит Аҟәа Ацәыргақәҵатә зал хада аҟны.
"Иахьатәи ацәыргақәҵа ахәаԥшцәа алшара рнаҭоит аҵыхәтәантәи ажәашықәса рыҩнуҵҟа аус зыдулаз, иара убасгьы зынӡа иҿыцу сынтәа иаԥҵоу аусумҭақәагь рбара", - ҳәа лҳәеит Ацәыргақәҵатә зал хада аиҳабы Ельвира Арсалиаԥҳа.
Лара илҳәеит сынтәа акрызҵазкуаз аҽа хҭыск шыҟалаз – Аԥсныҭәи аҳәынҭқарратә университет аиубилеи аҳаҭыр азы аҟазара аҟәша шфакультетхаз.
"Машәырша иҟамлеит аҩбатәи азал аҿы аҿар русумҭақәа рцәыргара, урҭ иацы Нугзар Ҷыҷыкәа-иԥа напхгара зиҭоз иааӡамҭацәа роуп. Нугзар Ҷыҷыкәа-иԥа сахьаҭыхҩык иҳасаб ала арҿиара, арккара, арҵара аҭыԥ ахьамоу арҿиаратә процесс ду далахәылоуп", - ҳәа лҳәоит Арсалиаԥҳа.
Ацәыргақәҵа аартраан иқәгылоз дреиуоуп Аԥсны иҟоу Россотрудничество ахаҭарнак Дмитри Федотов.
"Сгәанала модерн –иҷыдоу ҟазароуп. Зегь зыдҳәалоу асахьатә рҿиамҭақәеи аскульптурақәеи ушрыхәаԥшуа, иубар шулшо ауп. Сара избаз агәра сдыргеит арҭ асахьақәа алашара, аразра, агәыҭбаара шырныԥшуа, Аԥсны иахаҿсахьан ишыҟоу", - ҳәа азгәеиҭеит иара.
Абҵара 30 рҟынӡа аҭааҩцәа ирылшоит Нугәзар Логәуеи иҵаҩцәеи рырҿиамҭақәа рҭаара.
1/9
© Sputnik / Леон Адлейба
Нугәзар Логәуа ицәыргақәҵа
2/9
© Sputnik / Леон Адлейба
Нугәзар Логәуа ицәыргақәҵа
3/9
© Sputnik / Леон Адлейба
Нугәзар Логәуа ицәыргақәҵа
4/9
© Sputnik / Леон Адлейба
Нугәзар Логәуа ицәыргақәҵа
5/9
© Sputnik / Леон Адлейба
Нугәзар Логәуа ицәыргақәҵа
6/9
© Sputnik / Леон Адлейба
Нугәзар Логәуа ицәыргақәҵа
7/9
© Sputnik / Леон Адлейба
Нугәзар Логәуа ицәыргақәҵа
8/9
© Sputnik / Леон Адлейба
Нугәзар Логәуа ицәыргақәҵа
9/9
© Sputnik / Леон Адлейба
Нугәзар Логәуа ицәыргақәҵа
1/9
© Sputnik / Леон Адлейба
Нугәзар Логәуа ицәыргақәҵа
2/9
© Sputnik / Леон Адлейба
Нугәзар Логәуа ицәыргақәҵа
3/9
© Sputnik / Леон Адлейба
Нугәзар Логәуа ицәыргақәҵа
4/9
© Sputnik / Леон Адлейба
Нугәзар Логәуа ицәыргақәҵа
5/9
© Sputnik / Леон Адлейба
Нугәзар Логәуа ицәыргақәҵа
6/9
© Sputnik / Леон Адлейба
Нугәзар Логәуа ицәыргақәҵа
7/9
© Sputnik / Леон Адлейба
Нугәзар Логәуа ицәыргақәҵа
8/9
© Sputnik / Леон Адлейба
Нугәзар Логәуа ицәыргақәҵа
9/9
© Sputnik / Леон Адлейба
Нугәзар Логәуа ицәыргақәҵа
Нугәзар Логәуа – диит мшаԥы 20, 1956 шықәсазы. 1979 шықәсазы далгеит Аҟәатәи асахьаҭыхратә ҵараиурҭа, Қарҭтәи асахьаҭыхратә академиа доушьҭымҭоуп. 1997 - 2001 шықәсқәа рзы Аԥсны асахьаҭыхыҩцәа Реидгыла ахантәаҩыс дыҟан. 2005 – 2011шықәсқәа рзы – Аԥсны акультура аминистрс. 170 рҟынӡа цәыргақәҵа мҩаԥигахьеит Аԥсни Урыстәылеи рыҟны. Иара убас Италиеи Сан-Маринои ҩ-цәыргақәҵак мҩаԥигахьеит.
Иусумҭақәа ҵәахуп Аԥсны амилаҭтә галереиа аҟны еиԥш Урыстәыла, Англиа, Еиду Америкатәи аштатқәа, Италиа, Сан-Марино, Иапониа, Ҭырқәтәыла уҳәа акыр аҳәынҭқаррақәа рҿы. Ԥшшәы рацәала еиларсу иусумҭақәа ирныԥшуеит асахьаҭыхыҩ идунеихәаԥшышьа аҳәаақәа акыр ишыҭбаау, ишимоу иара ихатә знеишьа, ихатәы гьама.
Нугәзар Логәуа - Аԥсны асахьаҭыхыҩцәа реидгыла алахәыла, Аԥсныҭәи аҳәынҭқарратә университет аҟазара афакультет адекан, 2020 шықәса аахыс акультуреи аҭҵаарадырреи рзы Аԥсны ахада иабжьгаҩ.
