Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Гәылрыԥшь араион аҟны 20 нызқь тонна амандарина аизгара ргәы иҭоуп

© Sputnik / Марианна Кубрава Сбор мандаринов в Абхазии
Сбор мандаринов в Абхазии  - Sputnik Аҧсны, 1920, 23.11.2022
Анапаҵаҩра
НовостиTelegram
Аҳәынҭқарратә аҳазалхратә еилакы адыррала х-нызқь тонна амандарина Урыстәылаҟа инагоуп цәыббра 1 аахыс.
АҞӘА, абҵара 23 – Sputnik, Сариа Кәарцхьиаԥҳа. Гәылрыԥшь араион аҟны 20 нызқь тонна амандарина аингалара ргәы иҭоуп Sputnik иазеиҭеиҳәеит араион ахадара ақыҭанхамҩатә усбарҭа аиҳабы Рафик Григориан.
Ари ҩынтә еиҳауп 2021 шықәсазтәи аҽаҩра аасҭа. Григориан иажәақәа рыла амандарина ахаҭабзиара ҳаракуп, сынтәа иҟаз аарҩара иахҟьаны амандаринаа ссахеит. Аҭиразгьы иҟоуп ауадаҩрақәа.
"Сынтәа аахәара зҭаху маҷуп. Иҟало аабап. Асезон уажәоуп ианалагаз. Аҭаара ҳаҿуп. Аахәаҩцәагь ҟалап ҳәа ҳгәыӷуеит", - иҳәеит иара.
Араион аҿы анхамҩа дуқәа хԥа ыҟоуп, иара убас ирацәоуп анхамҩахәыҷқәагьы. Зынӡа иааидкыланы араион аҟны 1000 гектарк адгьылқәа рҿы ациртус шәырқәа еиҭаҳауп. 90% амандарина ауп еиҭаҳау. Ацитрус шәырқәа аиҳарак ииасыз ашәышықәса 60-тәи ашықәсқәа раан еиҭаҳан. Аҵлақәа ажәхьеит.
"Ацитрус шәырқәа ибзианы 50-60 шықәса аҽаҩра аарышьҭуеит. Аха реиҭарҿыцраз ауадаҩрақәа ҳамоуп. Аԥара маҷымкәа иаҭахуп. Анхацәа рхала ашьапҿыцқәа еиҭарҳауеит, рымч шақәхо аиԥш" - иҳәеит иара.
Аҳәынҭқарратә аҳазалхратә еилакы адыррала 3 000 тонна амандарина Урыстәылаҟа инагоуп цәыббра 1 аахыс.
Сбор мандарин  - Sputnik Аҧсны, 1920, 22.11.2022
Аԥсны
Аԥснынтәи Урыстәылаҟа х-нызқь тонна рҟынӡа амандарина нагоуп
Ажәабжьқәа зегьы
0