Микрофон  - Sputnik Аҧсны, 1920
Арадио

Адемограф: аԥсуаа ҳаиҵыҵыр ҳҭахызар, аҭаацәараҟны хҩык ахшара хымԥадатәиуп

Адемограф: аԥсуаа ҳаиҵыҵыр ҳҭахызар, аҭаацәараҟны хҩык ахшара хымԥадатәиуп
Анапаҵаҩра
НовостиTelegram
Аҭоурыхтә ҭҵаарадыррақәа ркандидат, Аԥсуаҭҵааратә институт аетнологиа аҟәша аусзуҩ, адемограф Асҭанда Ҳашԥҳа дазааҭгылеит Аԥсны иахьа адемографиатә ҭагылазаашьа.
Аԥсны ашәарҭадара азҵаара зхьыԥшу ахырхарҭа хада акәны иҟоуп аҳәынҭқарраҟны иқәынхо ажәлар рхыԥхьаӡара. Аҭҵаара мҩаԥызгоз ҳҵарауаа ражәақәа рыла, ииуа рхыԥхьаӡара аҵыхәтәантәи жәашықәса имаҷхеит, иԥсуа еиҳахеит.
"Иахьазы 125 нызқьҩык ҳаҟоуп аԥсуаа, аҵыхәтәантәи жәашықәса рыҩнуҵҟа 3 500-ҩык ҳацлеит. Адинамика иҟоуп, аха аибашьра ҟалаанӡа ҳәа аамҭа ахҵәаха уахәаԥшуазар, арбагақәа ҽеим", - лҳәеит арадио Sputnik аефир аҟны лцәажәараан Асоциал-економикатә ҭҵаарақәа рцентр аспециалист Хаҭуна Шаҭиԥа.
Адемограф Асҭанда Ҳашԥҳа иазгәалҭеит Аԥсны аџьынџьтәылатә еибашьра ашьҭахь 1998 шықәса зегь раасҭа иманшәалаз акәын, избанзар уи ашықәсан ахәыҷқәа рацәаны иит. Ҳаамҭазы ииуеи иԥсуеи рхыԥхьаӡара анеиҟароу, аҭаацәара аԥызҵаша аҿарацәа хыԥхьаӡара рацәала ианҭахо есышықәса, хымԥада, аԥсуаа рхыԥхьаӡара ашәарҭара ду узцәырнамгар залшом.
Аицәажәара иаҳа инарҭбааны ишәаҳар шәылшоит аудиофаил аҟны.
Ажәабжьқәа зегьы
0