Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ажәытәтәи ашаха аԥага Аԥснытәи аҳәынҭқарратә музеи ҳамҭас иарҭеит

© Sputnik / Марианна Кубрава Государственный музей Абхазии
Государственный музей Абхазии - Sputnik Аҧсны, 1920, 04.12.2022
Анапаҵаҩра
НовостиTelegram
АҞӘА, ԥхынҷкәын 4– Sputnik, Сариа Кәарцхьиаԥҳа. Асахьаҭыхҩы Баҭал Џьапуа Аԥснытәи аҳәынҭқарратә музеи ашаха аԥага ҳамҭас иаиҭеит. Абри атәы Sputnik иазеиҭалҳәеит аетнологиа аҟәша иреиҳау аҭҵарадырратә усзуҩ Инга Шамԥҳа.
Ашаха аԥага амаруга XX ашәышықәса иаҵанакуеит, Алада Ешыра инхоз Џыр Аҩӡба иҟаҵамҭоуп.
"Узызҿлымҳахаша маҭәаруп. Иара ашахақәа рԥара иазкуп. Џыр Аҩӡба имоҭа- Алмасхан Аҩӡба асахьаҭыхҩы Баҭал Џьапуа ииҭеит. Уи ҳара ҳмузеи ҳамҭас иаиҭеит. Еицырдыруа ҳсахьаҭыхҩы аетнографиатә материалқәа дрызҿлымҳауп, ҳмузеи ахь хәы змаӡам амаҭәарқәа ааигоит", - лҳәеит Шамԥҳа.
Амузеи аусзуҩцәа амаруга аус шауа гәарҭеит. Уи ахархәарала аԥсуаа ашьхарахь ианцоз рхы иадырхәоз ашаха ӷәӷәақәа аларԥон.
Аиԥш зеиԥшу амаҭәар аԥсуа музеи иамамызт. Ашаха аԥага аофициалла амузеитә експонат ҳасабла ианрыдыркылалак ашьҭахь аетнографиатә ҟәшаҟны иқәыргылахоит.
Ажәабжьқәа зегьы
0