https://sputnik-abkhazia.info/20221218/ashara-amaaa-asei-zhlar-rmeditsinei-1043190753.html
"Аԥшӡара амаӡақәа": аҳәсеи жәлар рмедицинеи
"Аԥшӡара амаӡақәа": аҳәсеи жәлар рмедицинеи
Sputnik Аҧсны
Жәлар рмедицинахьтә аҳәса рыԥшӡара амаӡақәак ртәы ҳадылгалоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа. 18.12.2022, Sputnik Аҧсны
2022-12-18T18:15+0300
2022-12-18T18:15+0300
2022-12-18T18:22+0300
аԥсны
жәлар рдоуҳа
https://cdnn1.img.sputnik-abkhazia.info/img/07e4/07/18/1030607301_0:135:2601:1598_1920x0_80_0_0_5160a4576316cf22a9978de270f145a0.jpg
Адунеи аныршоз аԥшӡара ахаҭа иасимволу дыруаӡәкны дҟалеит – аԥҳәыс. Аҳәса рыԥшӡара џьаршьон-илакәыршьон, апоетцәеи ашәҟәыҩҩцәеи цәаныррала иҭәыз, хашҭра зқәым ажәақәа рзыркуан.Аԥшӡара иасимволу гәыбӷан лыҭатәым лхы дацклаԥшуазар, лыԥшӡара дахӡыӡаауазар, еизлырҳауазар. Ҳәараҭахым, ҳазҭагылоу аамҭазы аԥшӡара аиндустриа акыр ԥхьаҟа ицеит, иуԥшаар улшоит аҽеиҿкааразы уара еиҳа иузгьамоу амҩақәа.Иахьеиԥш аҽырԥшӡарҭақәа аныҟамызгьы, аҳәсеи аҭыԥҳацәеи инымҵәаӡо есҽнытәи русқәа рхы ахаршәаланы, рхы ацклаԥшразы аамҭак азылхра рҽазыршәон. Убас, ажәытәан аҳәсақәа рыԥшӡара иахыҵхырҭан уҳәар алшоит жәлар рмедицина.АхаҿыАԥҳәыс лхаҿы аԥшӡара ацәмыӡарц азы акырӡа аҵанакуан мыцхәы аҵх ԥымҽкәа ианаамҭоу ацәареи ианаамҭоу агылареи. Уи инаваргыланы аҳәса рхы-рҿы ацклаԥшразы жәлар рмедицинахьтә иҟарҵоз маҷмызт. Иаагозар:Аҳәса рцәа дыршкәакәаразы иҟарҵоз иреиуан: АхцәыАԥсуа ҭыԥҳа, ма аԥҳәыс лҭеиҭыԥш ашьақәгылараҿы акырӡа аҵанакуан лыхцәы. Ахцәы аузар акәын, шамаха иагдырхомызт, иԥаны ирықәырҵон.
https://sputnik-abkhazia.info/20201206/Rayn-dasha-deikhasoup-asua-yzba-leiysh-iakhaau-azhaa-1031409735.html
https://sputnik-abkhazia.info/20211226/khtsy-byrfyn-syuaas-ayzba-lykhtsnygasha-1036921919.html
https://sputnik-abkhazia.info/20210228/Antsakhshei-amanrei-ays-lkhara-aarshysha-asua-folklor-ay-1031917158.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
жәлар рдоуҳа
"Аԥшӡара амаӡақәа": аҳәсеи жәлар рмедицинеи
18:15 18.12.2022 (ирҿыцуп: 18:22 18.12.2022) Сусанна Ҭаниаԥҳа
Аԥсуаҭҵааратә институт афольклортә лабораториа аусзуҩ
Жәлар рмедицинахьтә аҳәса рыԥшӡара амаӡақәак ртәы ҳадылгалоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Адунеи аныршоз аԥшӡара ахаҭа иасимволу дыруаӡәкны дҟалеит – аԥҳәыс. Аҳәса рыԥшӡара џьаршьон-илакәыршьон, апоетцәеи ашәҟәыҩҩцәеи цәаныррала иҭәыз, хашҭра зқәым ажәақәа рзыркуан.
Аԥшӡара иасимволу гәыбӷан лыҭатәым лхы дацклаԥшуазар, лыԥшӡара дахӡыӡаауазар, еизлырҳауазар. Ҳәараҭахым, ҳазҭагылоу аамҭазы аԥшӡара аиндустриа акыр ԥхьаҟа ицеит, иуԥшаар улшоит аҽеиҿкааразы уара еиҳа иузгьамоу амҩақәа.
Иахьеиԥш аҽырԥшӡарҭақәа аныҟамызгьы, аҳәсеи аҭыԥҳацәеи инымҵәаӡо есҽнытәи русқәа рхы ахаршәаланы, рхы ацклаԥшразы аамҭак азылхра рҽазыршәон. Убас, ажәытәан аҳәсақәа рыԥшӡара иахыҵхырҭан уҳәар алшоит жәлар рмедицина.
Аԥҳәыс лхаҿы аԥшӡара ацәмыӡарц азы акырӡа аҵанакуан мыцхәы аҵх ԥымҽкәа ианаамҭоу ацәареи ианаамҭоу агылареи. Уи инаваргыланы аҳәса рхы-рҿы ацклаԥшразы жәлар рмедицинахьтә иҟарҵоз маҷмызт. Иаагозар:
Рхаҿы татахарц аԥшаӡа лапҟьақәак ҿыхны иҿдырпуан, иҿдырпыз аԥш рҟәаҟәон, иаҵыҵыз аӡы ԥыҭраамҭак амра ицәдыргылон, анаҩс уахынла рҿы аларыӡәӡәон.
Рхаҿы пашәхаразы ашыла рҿыршьуан, нас ӡыла ирыӡәӡәон.
Ажәытәан аҳәса амра рымкразы асыӡбал андыршуаз ихылоз ашәах хыхны рҿы аларыӡәӡәон.
Аҳәса рцәа дыршкәакәаразы иҟарҵоз иреиуан:
Ахарҵәы (еиҳарак аџьма харҵәы) маҷк ашьаб алаԥсаны иааиларҩынтны ирҿыршьуан. Ԥыҭк ианалабалак ашьҭахь хшыла рхы-рҿы рыӡәӡәон.
Аҩазақәа, ма аканқәа зҿалоз аҳәса рцәа-ржьы ахаҭабзиара аиӷьтәразы ашыла иалхны ақашь жәпа ҟарҵон. Ашыла қашь аныхьшәашәалак ирҽыршьуан, 30-ҟа минуҭ рышьҭахь ирыҿшьыз ақашь рыӡәӡәон цхаӡҩала.
Аҳәса пашәӡа иҟаларазы хазыла рхаҿы рыӡәӡәон.
Аԥсуа ҭыԥҳа, ма аԥҳәыс лҭеиҭыԥш ашьақәгылараҿы акырӡа аҵанакуан лыхцәы. Ахцәы аузар акәын, шамаха иагдырхомызт, иԥаны ирықәырҵон.
Ахцәы еизҳаразы ҳандуцәа, урҭ рандуцәа иҟарҵоз иреиуан:
Рыхцәы мчыбжьык ахьтә знык-ҩынтә нышәаԥшьла ирҿышуан.
Ахцәы еизҳарцазы аӡи акерасини еилаҭәаны иалдыршон.
Ахцәы еизҳарацы, еилҵәраауа иҟаларазы абжьеи, мамзаргьы ахәац аӡы алдыршон.
Аԥҳәызба лхахәы цырцыруа иҟалар лҭахызҭгьы акакан иалҵуаз арашы ахьылшьуан, нас дук хара имгакәа илҿышуан.
Ахцәы ӷәӷәахарц, еизҳарц азы қәарӡыла ирҿышуан.
