Микрофон  - Sputnik Аҧсны, 1920
Арадио

Ҷыҭанаа акамшьиазы: макьаназ ҵыԥх аасҭа арбагақәа маҷуп

Ҷыҭанаа акамшьиа акразы сынтәатәи асезон азы: макьаназ ҵыԥх аасҭа арбагақәа маҷуп
Анапаҵаҩра
НовостиTelegram
Аԥсны аԥсабареи аекологиеи рзы аҳәынҭқарратә еилакы ахантәаҩы Савели Ҷыҭанаа арадио Sputnik иазеиҭеиҳәеит акамшьиа акра аус шцо, иара убас сынтәатәи аԥсыӡкра аамҭа ахәшьара аиҭеит.
Абҵара 30 инаркны Аԥсны амшынҳәаа иахьаҵанакуа азин ыҟоуп акамшьиа акразы. Иахьазы аа-ӷбак аусурақәа мҩаԥыргоит ҳәа иҳәеит арадиоефир аҿы Ҷыҭанаа.
"Аԥсны иҟоуп жә-зауадк. Дара зегьы ирзаԥҵәоуп 35 нызқь тонна аԥсыӡкра. Иахьа 1485 тонн рҟынӡа аԥсыз куп. Ҵыԥх аасҭа арбагақәа маҷуп, избанзар макьана амшын аԥхарра аҵоуп. Аԥсыӡ еидгәыԥларцаз амшын хьшәашәазароуп. Ианармзаз ахьшәашәарақәа иаҳа иҟалоит, нас алҵшәагьы ҽакхоит", - иҳәеит Ҷыҭанаа.
Аԥсны аԥсабареи аекологиеи рзы аҳәынҭқарратә еилакы ахантәаҩы иҳәеит, сынтәа аԥсыӡкразы иазыԥҵәоу ахыԥхьаӡара шыҭҵааз, уи аиламгаразы иахәҭоу агәаҭарақәагьы шымҩаԥгахо.
"Аурыс ҳәаахьчаҩцәеи ҳареи ҳаицхырааны аус ҳуеит. Аԥҟара еилазго ахарԥса идҵахоит. Сынтәа аурыс ҳәаахьчаҩцәа рҟынтәи ашәҟәқәа ҳауит, урҭ рыҭҵаара ҳаҿуп", - иҳәеит Ҷыҭанаа.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0