Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Шәачатәи авиаторцәа Аҟәатәи аҳаирбаӷәазаҿы аҽазыҟаҵара иаҳәеит

© Sputnik / Томас ТхайцукАэропорт "Сухум" им. В.Г. Ардзинба
Аэропорт Сухум им. В.Г. Ардзинба - Sputnik Аҧсны, 1920, 16.01.2023
Анапаҵаҩра
НовостиTelegram
Шәача авиаторцәа аҽазыҟаҵара рылшаӡом Украина аоперациа ҷыда иахьазааигәоу азы.
АҞӘА, ажьырныҳәа 16 - Sputnik. Авиациа ласы аклуб "Пластунка" ахаҭарнакцәа Аҳәынҭдума адепутат Константин Затулин иҳәеит дрыцхраарц Владислав Арӡынба ихьӡ зху Аҟәатәи аҳаирбаӷәазаҿы рҽазыҟаҵараҿы дрыцхраарц. Абри атәы Затулин ианиҵеит и-Telegram-канал аҿы.

"Шәачатәи аспортсменцәа-авиаторцәа иҟарҵаз аҳәара инақәыршәаны, Константин Затулин Аԥсны Аҳәынҭқарра Ашәарҭадаратә хеилак амаӡаныҟәгаҩ Сергеи Шамба иахь аҳәара ҟаиҵеит ари аус аҟны адгылара ааирԥшырц", - ҳәа ануп адырраҭараҿы.

Краснодартәи атәылаҿацә Украина имҩаԥысуа аоперациа ҷыда иахьазааигәоу азы Шәача, егьырҭ арегионқәа жәпакы рҟнеиԥш, аԥрыгатә техника ахархәаразы аԥкрақәа ыҟоуп.
Убри иахҟьаноуп Урыстәыла аладатәи ахәҭеи агәантәи аҳаирбаӷәазақәеи 11 рҟны аԥкрақәа залагалоу - Анапа, Белгород, Брианск, Воронеж, Геленџьықь, Краснодар, Курск, Липецк, Ростов-на-Дону, Симферополь, Елиста. Росавиациа аԥкрақәа аланагалеит жәабран 24 рзы, иахьа уажәраанӡагьы изныкымкәа рыҿҳәара иацнаҵахьеит.
Ажәабжьқәа зегьы
0