Лавров: Мраҭашәара Аԥсни, Қырҭтәылеи, Аахыҵ Уаԥстәылеи реиҿцәажәара иаԥырхагоуп

© Sputnik / Виталий Белоусов / Амедиаҵәахырҭахь аиасраГорода мира. Женева
Города мира. Женева - Sputnik Аҧсны, 1920, 18.01.2023
Анапаҵаҩра
НовостиTelegram
Қырҭтәылеи, Аахыҵ Уаԥстәылеи, Аԥсни реизыҟазаашьақәа ирызку Женеватәи аиҿцәажәарақәа мҩаԥысуеит 2008 шықәса раахыс. Урҭ рыцхантәаҩцәас иҟоуп ООН, ЕС, ОБСЕ, Урыстәылеи Еиду Америкатәи аштатқәеи алахәны.
АҞӘА, ажьырныҳәа 18 - Sputnik. Мраҭашәара Аԥсни, Қырҭтәылеи, Аахыҵ Уаԥстәылеи реиҿцәажәара иаԥырхагахарц аҽазнашәоит, абри атәы иҳәеит Урыстәыла ААР аминистр Сергеи Лавров есышықәсатәи апресс-конференциаҿ.
Иара иҳәеит Урыстәыла шадгылаҩу Қырҭтәылеи, Аԥсни, Қырҭтәылеи, Аахыҵ Уаԥстәылеи рыбжьара адиалог, уи азы ишыҟоу алшарақәа.

"Женеватәи аиҿцәажәарақәа ирылахәу Мраҭашәаратәи аганқәа –Евроеидгыла, ООН, ОБСЕ, ЕАА, - ари аиҿцәажәарақәа рформатгьы Украина имҩаԥысуа ахҭысқәа иадырҳәаларц рҽазыршәоит. Сара ари иашоуп ҳәа сзахҳәаауам. Ари иаанаго регионк аҿы рҭахрақәа рполитикатә гәынхарақәа ирыдырҳәалоит ауп", - иҳәеит Лавров.

Жәымз иаанкыланы иҟаз Аахыҵ Кавказ ашәарҭадареи аҭышәынтәалареи ирызку Жәларбжьаратәи Женеватәи аиҿцәажәарақәа 56-тәи рраунд мҩаԥысит жьҭаара 5 рзы.
ООН, ОБСЕ, ЕС рыҟынтәи ацхантәаҩцәа ирыӡбеит арҭ аиҿцәажәарақәа 2023 шықәса жәабранмзанӡа аамҭала рыҿҳәара инахарц.
Ажәабжьқәа зегьы
0