https://sputnik-abkhazia.info/20230121/aa-akhyyratsa-zmou-aaatsaraa-aiabyra-ada-ryreit-rynkhara-azaara-rybarts-1043719721.html
Аҟәа ахәыҷырацәа змоу аҭаацәарақәа аиҳабыра адҵа рырҭеит рынхарҭа азҵаара рыӡбарц
Аҟәа ахәыҷырацәа змоу аҭаацәарақәа аиҳабыра адҵа рырҭеит рынхарҭа азҵаара рыӡбарц
Sputnik Аҧсны
Аҟәа Аҳабла ҿыц еизаз аҿагылаҩцәа еилымҵит аԥыза-министр Александр Анқәаб идимкылакәан. 21.01.2023, Sputnik Аҧсны
2023-01-21T09:15+0300
2023-01-21T09:15+0300
2023-01-23T09:07+0300
аԥсны
ажәабжьқәа
аҟәа
ауаажәларра
https://cdnn1.img.sputnik-abkhazia.info/img/07e7/01/14/1043719069_2:0:900:505_1920x0_80_0_0_588e5937ad5b57191450b9850965f695.jpg
АҞӘА, ажьырныҳәа 21 – Sputnik. Ахәыҷырацәа змоуи зылшарақәа ԥкуи аҭаацәарақәа рхаҭарнакцәа ажьырныҳәа 20 рзын еизеит Аҟәа, Аҳабла ҽыц Кьараз амҩаду аҟны иҟаҵамкәан игылоу аҩнеихагыла №18Б аҟны. Абри атәы аанацҳауеит "Абаза-ТВ"."Ԥшьышықәса раахыс аҩнеихагыла ашә ҿамкәан, аԥенџьыр ҿамкәан игылоуп, ахыбгьы амаӡам. Ҳара арахь ҳааит изтәу деилаҳкаарц. Ҳара ауадақәа ҳҭахуп, изыҟамлари ипотека ҳасабала иаҳгар, ишԥаҟамлари аӡәы иҳамоу ауадаҩрақәа дрызхьаԥшыр", - ҳәа лҳәеит амитинг иалахәыз руаӡәк Ильда Ҷаниа. Амилициа аусзуцәа амитинг иалахәыз аҩнеихагыла иҩнарымҵеит. Уахь инеиз ақалақь ахадара аусзуҩцәа ирҳәеит ари аҩны қьырала акоммерциатә наплакы ишаҭоу, аамҭагь шынҵәо жьҭаарамзазы.Ақалақь ахада ихаҭыԥуаҩ Асҭамыр Ашәба идеилиркааит аилахәыра аиқәшаҳаҭра иалагалоу ахәҭақәак еиланагар, уи ашьҭахь аҳәынҭқарра иаӡбоит ауаҭахқәа ауааԥсыра рыҭара, убысҟан хыҵакырҭада иҟоу ауаа, амитинг иалахәымызгьы азхьаԥшра шроуа.Аҿагылаҩцәа иазгәарҭеит амамзаара иахҟьаны нхарҭа ҭыԥда ишыҟоу, анхарҭа аиуразы агәаран шықәсы рацәала ишықәгылатәу. Ирҳәеит ауалафахәы шмаҷу, рхәыҷқәа ргәабзиара ахьыуашәшәыроу иахҟьаны аус шырзымуа. Аӡәырҩы иазгәарҭеит акырынтә аиҳабыра рахь ишнеихьоу, аха ишлыҵшәадау.Аԥсны Адемографиатә политикеи асоциалтә еиқәыршәареи рзы аминистрраҟны ажурналистцәа ирзеиҭарҳәеит, аҳәынҭқарратә программа "Анхарҭа 2023-2025" ашҟа ишынашьҭу 416 рзаҳал. Абиуџьет аҟынтәи апрограмма шықәсык ишазоунажьуа 60 миллион мааҭ, уи иаанагоит шықәсык ала 60 ҭаацәара нхарҭа ҭыԥла еиқәыршәахоит ҳәа.Амитинг ахь инеит Жәлар Реизара аиҳабы ихаҭыԥуаҩ Асҭамыр Аршба, адепутатцәа Инар Гыцба, Кан Кәарҷиа, Ерик Рштуни, Асҭамыр Гьерхьелиа, иара убас "Аԥсуа жәлар рхеидкыла" анапхгаҩы Адгәыр Арӡынба. Уи анаҩс аҿагылаҩцәа рхаҭарнакцәеи, адепутатцәеи, АЖәР анапхгаҩы Адгәыр Арӡынбеи, Адемографиатә политикеи асоциалтә еиқәыршәареи рминистр Руслан Аџьбеи, Аҟәа ақалақь ахада ихаҭыԥуаҩ Асҭамыр Ашәбеи аԥыза-министр Александр Анқәаб иԥылеит.Аминистрцәа реилазаара апресс-маҵзура иаанацҳаит, аиԥылара мҩаԥысит лҵшәа аманы, "аӡбамҭа рыдыркылеит асиа иарбоу ауаа категориала нхарҭа тыԥла реиқәыршәара азҵаара аӡбара" ҳәа.Уаанӡа, аҩаша ажьырныҳәа 17 рзы ахәыҷырацәа змоуи зылшарақәа ԥкуи аҭаацәарақәа рхаҭарнакцәа Аҟәа Ахақәиҭра ашҭаҿ еизеит. Усҟангьы уахь инеит Апарламент адепутатцәа, дара еизаз ақәдыргәыӷит аҳәынҭпрограмма "Анхарҭа" иалахәхарцаз ацхыраара шыҟарҵо азы.
https://sputnik-abkhazia.info/20221130/asny-aiabyra-aprogramma-ankhara-2025-rydyrkyleit-1042888324.html
аҟәа
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аҟәа, ауаажәларра
ажәабжьқәа, аҟәа, ауаажәларра
Аҟәа ахәыҷырацәа змоу аҭаацәарақәа аиҳабыра адҵа рырҭеит рынхарҭа азҵаара рыӡбарц
09:15 21.01.2023 (ирҿыцуп: 09:07 23.01.2023) Аҟәа Аҳабла ҿыц еизаз аҿагылаҩцәа еилымҵит аԥыза-министр Александр Анқәаб идимкылакәан.
АҞӘА, ажьырныҳәа 21 – Sputnik. Ахәыҷырацәа змоуи зылшарақәа ԥкуи аҭаацәарақәа рхаҭарнакцәа ажьырныҳәа 20 рзын еизеит Аҟәа, Аҳабла ҽыц Кьараз амҩаду аҟны иҟаҵамкәан игылоу аҩнеихагыла №18Б аҟны. Абри атәы аанацҳауеит "Абаза-ТВ".
Еизаз ирҳәеит нхарҭа ҭыԥда ишыҟоу, қьырала ауаҭах амхра шрылымшо. Дара ргәаанагарала жә-еихагыларак иҟоу аҩны аҳәынҭқарраҿ ашәҟәы иҭагаламзар, дара рхатә харџьала ишьақәыргыланы анхара иалагар ҟалоит.
"Ԥшьышықәса раахыс аҩнеихагыла ашә ҿамкәан, аԥенџьыр ҿамкәан игылоуп, ахыбгьы амаӡам. Ҳара арахь ҳааит изтәу деилаҳкаарц. Ҳара ауадақәа ҳҭахуп, изыҟамлари ипотека ҳасабала иаҳгар, ишԥаҟамлари аӡәы иҳамоу ауадаҩрақәа дрызхьаԥшыр", - ҳәа лҳәеит амитинг иалахәыз руаӡәк Ильда Ҷаниа.
Амилициа аусзуцәа амитинг иалахәыз аҩнеихагыла иҩнарымҵеит. Уахь инеиз ақалақь ахадара аусзуҩцәа ирҳәеит ари аҩны қьырала акоммерциатә наплакы ишаҭоу, аамҭагь шынҵәо жьҭаарамзазы.
Ақалақь ахада ихаҭыԥуаҩ Асҭамыр Ашәба идеилиркааит аилахәыра аиқәшаҳаҭра иалагалоу ахәҭақәак еиланагар, уи ашьҭахь аҳәынҭқарра иаӡбоит ауаҭахқәа ауааԥсыра рыҭара, убысҟан хыҵакырҭада иҟоу ауаа, амитинг иалахәымызгьы азхьаԥшра шроуа.
Аҿагылаҩцәа иазгәарҭеит амамзаара иахҟьаны нхарҭа ҭыԥда ишыҟоу, анхарҭа аиуразы агәаран шықәсы рацәала ишықәгылатәу. Ирҳәеит ауалафахәы шмаҷу, рхәыҷқәа ргәабзиара ахьыуашәшәыроу иахҟьаны аус шырзымуа. Аӡәырҩы иазгәарҭеит акырынтә аиҳабыра рахь ишнеихьоу, аха ишлыҵшәадау.
Аԥсны Адемографиатә политикеи асоциалтә еиқәыршәареи рзы аминистрраҟны ажурналистцәа ирзеиҭарҳәеит, аҳәынҭқарратә программа "Анхарҭа 2023-2025" ашҟа ишынашьҭу 416 рзаҳал. Абиуџьет аҟынтәи апрограмма шықәсык ишазоунажьуа 60 миллион мааҭ, уи иаанагоит шықәсык ала 60 ҭаацәара нхарҭа ҭыԥла еиқәыршәахоит ҳәа.
Амитинг ахь инеит Жәлар Реизара аиҳабы ихаҭыԥуаҩ Асҭамыр Аршба, адепутатцәа Инар Гыцба, Кан Кәарҷиа, Ерик Рштуни, Асҭамыр Гьерхьелиа, иара убас "Аԥсуа жәлар рхеидкыла" анапхгаҩы Адгәыр Арӡынба. Уи анаҩс аҿагылаҩцәа рхаҭарнакцәеи, адепутатцәеи, АЖәР анапхгаҩы Адгәыр Арӡынбеи, Адемографиатә политикеи асоциалтә еиқәыршәареи рминистр Руслан Аџьбеи, Аҟәа ақалақь ахада ихаҭыԥуаҩ Асҭамыр Ашәбеи аԥыза-министр Александр Анқәаб иԥылеит.
Аминистрцәа реилазаара апресс-маҵзура иаанацҳаит, аиԥылара мҩаԥысит лҵшәа аманы, "аӡбамҭа рыдыркылеит асиа иарбоу ауаа категориала нхарҭа тыԥла реиқәыршәара азҵаара аӡбара" ҳәа.
Уаанӡа, аҩаша ажьырныҳәа 17 рзы ахәыҷырацәа змоуи зылшарақәа ԥкуи аҭаацәарақәа рхаҭарнакцәа Аҟәа Ахақәиҭра ашҭаҿ еизеит. Усҟангьы уахь инеит Апарламент адепутатцәа, дара еизаз ақәдыргәыӷит аҳәынҭпрограмма "Анхарҭа" иалахәхарцаз ацхыраара шыҟарҵо азы.
