Микрофон  - Sputnik Аҧсны, 1920
Арадио

Амҷба Высоцки изы: ииҳәоз егьырҭ ирзыгәаӷьуамызт, иашәақәа ҳхәыцрақәа рныԥшуан

Амҷба Высоцки изы: ииҳәоз егьырҭ ирзыгәаӷьуамызт, иашәақәа ҳхәыцрақәа рныԥшуан
Анапаҵаҩра
Апоет, амузыкант Владимир Высоцки диижьҭеи 85-шықәса аҵра инамаданы ашәаҳәаҩ-абард Славик Амҷба ашәа ҿыц аԥиҵеит. Уи наигӡеит арадио Sputnik аефир аҟны.
Асовет поет, абард, 600 рҟынӡа ашәеи 200 инареиҳаны жәеинраалеи равтор, атеатри акинои рактер, СССР аҳәынҭқарратә аԥхьахә алауреат Владимир Высоцки даниз амш ауп ажьырныҳәа 25.
2023 шықәсазы апоет, амузыкант диижьҭеи 85-шықәса аҵра азгәарҭоит.
Славик Амҷба арадиоефир аҟны еиҭеиҳәеит раԥхьаӡа акәны Владимир Высоцки дахьибаз, автограф шимиххьаз, иашәаҳәашьа лабҿаба ибартә-иаҳартә шыҟалаз, ирҿиара дшазыҟоу атәы.
Владимир Высоцки Аԥсны акырынтә даҭаахьан. Еиҳарак ауаа ргәалашәараҿы иаанхаз 1971 - 1973 шықәсқәа раан иаҭаарақәа роуп. 1972 шықәса аԥхынразы Высоцки Аԥсныҟа дааит Марина Влади длыцны атеплоход ала. Усҟан апоет еиҳарак аӷбаҿы акәын иаамҭа ахьихигоз, акрыфаразы акаҳуажәырҭақәа рахь днеилон, хәылбыҽхала аконцертқәа аӷбаҿы имҩаԥигон.
Аԥсны еицырдыруеит Высоцки иажәеинраала "Знакомым в Гагре". Иара 1972 шықәсазы иҩит ҳәа иԥхьаӡоуп. Брежнев иеиҭагаҩ, Высоцки иҩыза Виктор Суходрев иажәақәа рыла Высоцки иашәа "Штормит весь вечер, и пока…" иҩит 1973 шықәса рзы Пицунда.
Ажәабжьқәа зегьы
0