Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аҟәатәи аботаникатә баҳчаҿы еиҭарҳәеит аҵиаақәеи аҵлақәеи асы шырхырго

© Sputnik / Томас Тхайцук Ботанический сад в снегу
Ботанический сад в снегу  - Sputnik Аҧсны, 1920, 17.02.2023
Анапаҵаҩра
Аҟәатәи аботаникатә баҳчаҿы аӡынра аҽазырхиара иалагеит ԥхынҷкәынмзазы. Ахьҭа ззымычҳауа атропикатәии асубтропикатәии 300 ҵиаа ҭарыҳәҳәеит.
АҞӘА, жәабран 17 – Sputnik, Сариа Кәарцхьиаԥҳа. Аботаникатә баҳча адиректор Едуард Гәбаз иажәақәа рыла, иҟоу аҭагылазаашьаҿ асубтропикттә ҵиаақәа асы рықәхлатәуп.
Аиҳарак асы апальмахкқәаки акалами аԥхасҭа рынаҭар алшоит.
"Акалам адацқәа ӷәӷәаӡам, асы анырацәоу ихәоит, иԥҵәар алшоит. Макьаназ акгьы ԥхасҭаҳамтәыцт. Аботаникатә баҳча аусзуҩцәа аҵлақәеи аҵиаақәеи асы рықәдыршәшәоит", - иҳәеит Гәбаз.
Аҟәатәи аботаникатә баҳчаҿы аӡынра аҽазырхиара иалагеит ԥхынҷкәынмзазы. Ахьҭа ззымычҳауа атропикатәии асубтропикатәии 300 ҵиаа ҭарыҳәҳәеит. Еиҳа зыхә дуқәоу арԥхарҭақәа рахь иҩнаргалеит.
Гәбаз иҳәеит абаҳча аколлекциа иаҵанакуа аҵиаақәа аԥхасҭа рызҭаша ахьҭақәа шыҟам.
Ихылаԥшыдам ақалақь аҵлақәагьы, урҭ ақалақьтә маҵзурақәа русзуҩцәа амҩақәа рҿы аҵлақәа асы рықәырхуан.
Гәбаз амимозашәҭ азы: макьана уацәшәартә иҟам - Sputnik Аҧсны, 1920, 17.02.2023
Арадио
Гәбаз амимозашәҭ азы: макьана уацәшәартә иҟам
Ажәабжьқәа зегьы
0