https://sputnik-abkhazia.info/20230323/aslan-bzhania-asadgyl-akh-akhynrazy-ayneilaky-30-shysa-akhyra-rydeinyaleit-1044824432.html
Аслан Бжьаниа Аԥсадгьыл ахь ахынҳәразы аҳәынҭеилакы 30 шықәса ахыҵра рыдеиныҳәалеит
Аслан Бжьаниа Аԥсадгьыл ахь ахынҳәразы аҳәынҭеилакы 30 шықәса ахыҵра рыдеиныҳәалеит
Sputnik Аҧсны
Аԥсадгьыл ахь ахынҳәразы аҳәынҭқарратә еилакы аԥҵан Аԥсны Аџьынџьтәылатә еибашьра анцоз аамҭазы хәажәкыра 23 1993 шықәсазы. 23.03.2023, Sputnik Аҧсны
2023-03-23T19:11+0300
2023-03-23T19:11+0300
2023-03-23T19:13+0300
аԥсны
ажәабжьқәа
аслан бжьаниа
https://cdnn1.img.sputnik-abkhazia.info/img/07e7/03/02/1044412030_0:0:1394:784_1920x0_80_0_0_5e81651721c3370920f5ccbe9a18d2cf.jpg
АҞӘА, хәажәкыра 23 - Sputnik. Аслан Бжьаниа Аԥсадгьыл ахь ахынҳәразы аҳәынҭқарратә еилакы 30 шықәса ахыҵра рыдеиныҳәалеит."Аԥсадгьыл ахь ахынҳәразы аҳәынҭқарратә еилакы еиҿкаан Аԥсны Аџьынџьтәылатә еибашьра анцоз аамҭазы, 1993 ш. хәажәкырамза 23 рзы. Ари акт шаҳаҭра ауан, агәрагарагьы ҳнаҭон, иаарласны Аиааира ҳара ишаҳтәхоз, ҳџьынџьуаа рҭоурыхтә ԥсадгьыл ахь рыргьежьра шхымԥадатәиу, ҳауаажәлар рзы арепатриациа иадҳәалоу азҵаарақәа аҵак ду шрымоу", - ҳәа азгәеиҭеит атәыла ахада.Аилак аҿаԥхьа иқәгылоу ахықәкы хадақәа қәҿиарала инанагӡоит - арепатриантцәа рыхынҳәра аус аиҿкаара, адаптациа рахысра, рабдуцәа рџьынџь дгьыл аҟны анхареи-анҵыреи рзы аҭагылазаашьа бзиа рзаԥҵара.Аԥсадгьыл ахь ахынҳәразы аҳәынҭқарратә еилакы аусра иабзоураны Ҭырқәтәылантә, Шьамтәылантә, Иорданиантә, Мысрантә иара убас егьырҭ аҳәаанырцәтәи атәылақәа рҟынтәи ҳџьынџьуаа рҭоурыхтә ԥсадгьыл ахь рыхынҳәра алыршахеит.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аслан бжьаниа
ажәабжьқәа, аслан бжьаниа
Аслан Бжьаниа Аԥсадгьыл ахь ахынҳәразы аҳәынҭеилакы 30 шықәса ахыҵра рыдеиныҳәалеит
19:11 23.03.2023 (ирҿыцуп: 19:13 23.03.2023) Аԥсадгьыл ахь ахынҳәразы аҳәынҭқарратә еилакы аԥҵан Аԥсны Аџьынџьтәылатә еибашьра анцоз аамҭазы хәажәкыра 23 1993 шықәсазы.
АҞӘА, хәажәкыра 23 - Sputnik. Аслан Бжьаниа Аԥсадгьыл ахь ахынҳәразы аҳәынҭқарратә еилакы 30 шықәса ахыҵра рыдеиныҳәалеит.
"Аԥсадгьыл ахь ахынҳәразы аҳәынҭқарратә еилакы еиҿкаан Аԥсны Аџьынџьтәылатә еибашьра анцоз аамҭазы, 1993 ш. хәажәкырамза 23 рзы. Ари акт шаҳаҭра ауан, агәрагарагьы ҳнаҭон, иаарласны Аиааира ҳара ишаҳтәхоз, ҳџьынџьуаа рҭоурыхтә ԥсадгьыл ахь рыргьежьра шхымԥадатәиу, ҳауаажәлар рзы арепатриациа иадҳәалоу азҵаарақәа аҵак ду шрымоу", - ҳәа азгәеиҭеит атәыла ахада.
Аилак аҿаԥхьа иқәгылоу ахықәкы хадақәа қәҿиарала инанагӡоит - арепатриантцәа рыхынҳәра аус аиҿкаара, адаптациа рахысра, рабдуцәа рџьынџь дгьыл аҟны анхареи-анҵыреи рзы аҭагылазаашьа бзиа рзаԥҵара.
"Ҳара иаҳҭахуп атәым ҳәынҭқаррақәа рҟны инхо ҳашьцәа ирдырузарац, Аԥсны - даргьы ҳаргьы иаҳзеиԥшу аҩны шаку, рҭоурыхтә ԥсадгьыл ахь рыхынҳәра еснагь ҳшазԥшу. Ҳамчқәа еилаҵаны, ҳажәҩахырқәа еибыҭаны, ҳарҭ иҳалшоит иӷәӷәоу, еизҳа-зыӷьо аҳәынҭқарра аргылара", - ҳәа иҳәеит Бжьаниа.
Аԥсадгьыл ахь ахынҳәразы аҳәынҭқарратә еилакы аусра иабзоураны Ҭырқәтәылантә, Шьамтәылантә, Иорданиантә, Мысрантә иара убас егьырҭ аҳәаанырцәтәи атәылақәа рҟынтәи ҳџьынџьуаа рҭоурыхтә ԥсадгьыл ахь рыхынҳәра алыршахеит.
