Ҩышықәса рыҩнуҵҟа Аԥсны ақыҭанхамҩа арҿиаразы апроектқәа 154 миллион мааҭ рықәхарџьуп
© Sputnik / Бадри Есиава
Анапаҵаҩра
Ихадоу ахырхарҭақәа иреиуоуп - аҵиааӡара, арахәааӡара, ақыҭанхамҩатә аалыҵқәа, аԥсыӡааӡара, аԥсатәааӡара.
АҞӘА, хәажәкыра 23– Sputnik. 2021-2022 шықәсқәа рзы ақыҭанхамҩа ацхыраара аҭара апрограммала 253 проект нагӡан, иақәхарџьын 154 миллиони 295 нызқь мааҭ, абри атәы еиҭеиҳәеит Аԥсны ақыҭанхамҩа аминистр Беслан Џьопуа.
Ихадоу ахырхарҭақәа иреиуоуп - аҵиааӡара, арахәааӡара, ақыҭанхамҩатә аалыҵқәа, аԥсыӡааӡара, аԥсатәааӡара.
2021 шықәсазы ақыҭанхамҩа аҿиаразы апрограмма инақәыршәаны иазгәаҭаз 100 миллион мааҭ рҟынтәи иныхын 91,7 миллион мааҭ.
Аԥарақәа рықәхарџьын:
ақыҭанхамҩатә ҵиаақәа аус рыдуларазы иаахәан 3 760 литра ахимиатә маҭәашьарқәа
Гәылрыԥшьи, Очамчыреи, Гали рраионқәа рҟны ауааԥсыра амармалташьтә пты рыҟәшәаразы иазоужьын 1,6 миллион мааҭ
10 339 гектар аҵакыра ахимиатә маҭәашьарқәа рыла аус адулара
77, 4 миллион мааҭ рыхә 91 проект рыдыркылеит.
2022 шықәсазы апрограмма аҳәаақәа ирҭагӡаны ирыдыркылеит 162 проект, уи 76,8 млн мааҭ рыхә.
Гагра араион
2021 шықәса - 8 проектк
2022 шықәса - 8 проектк
Гәдоуҭа араион
2021 шықәса - 18 проект
2022 шықәса- 25 проект
Аҟәа араион
2021 шықәса - 6 проектк
2022 шықәса - 17 проект
Гәылрыԥшь араион
2021 шықәса - 12 проект
2022 шықәса - 26 проект
Очамчыра араион
2021 шықәса- 39 проект
2022 шықәса - 70 проект
Тҟәарчал араион
2021 шықәса - 5 проектк
2022 шықәса - 3 проектк
Гал араион
2021 шықәса- 3 проектк
2022 шықәса - 10 проектк
