https://sputnik-abkhazia.info/20230505/agalashara-aiyrkhara-asny-laara-9-ashaznarkhio-1045654876.html

Агәалашәара аиқәырхара: Аԥсны лаҵара 9 аҽшазнархио

Агәалашәара аиқәырхара: Аԥсны лаҵара 9 аҽшазнархио

Sputnik Аҧсны

Sputnik Аԥсны апресс-центр аҿы лаҵара 5 рзы имҩаԥган Аԥсны иҟоу Россотрудничество Ахаҭарнакреи Владислав Арӡынба ихьӡ зху Аибашьратә фырхаҵара аҳәынҭқарратә... 05.05.2023, Sputnik Аҧсны

2023-05-05T16:56+0300

2023-05-05T16:56+0300

2023-05-05T16:56+0300

аԥсны

ажәабжьқәа

акультура

https://cdnn1.img.sputnik-abkhazia.info/img/07e7/05/05/1045645556_0:160:3072:1888_1920x0_80_0_0_d24a9f2b6b377a26c516e231f52895ae.jpg

Аныҳәамш аламҭалаз Аҟәа имҩаԥыргахьеит афильмқәа дырбара, афотоцәыргақәҵа, агәалашәаратә акциа амҩаԥгара. Аԥсны ауааԥсыра рзы еиҭах еиҿкаахо ауснагӡатәқәа ирылацәажәеит Аԥсны иҟоу Россотрудничество Ахаҭарнакреи Владислав Арӡынба ихьӡ зху Аибашьратә фырхаҵара аҳәынҭқарратә музеии рпресс-конференциа. Асмаҭ Ҵәыџьԥҳа, Sputnik Аныҳәа аҽазырхиара Аԥсны иҟоу Россотрудничество Ахаҭарнакра анапхгаҩы Дмитри Федотов иажәақәа рыла, Россотрудничество аԥшьгарала ауснагӡатәқәа хацыркын мшаԥы 21 рзы – Ешыратәи абжьаратә школ аҿы аакциа "Агәалашәара абаҳча" амҩаԥгарала. Еиҭаҳан 25 ҵлашьаҭа. Дмитри Федотов иазгәеиҭеит ари акциа ишалнаршо ашколхәыҷқәа аибашьра ду аан иҭахаз ргәалашәара ацәмырӡра. Мшаԥы 25 раахыс Владислав Арӡынба ихьӡ зху Аибашьратә фырхаҵара аҳәынҭқарратә музеи аҟны иддырбоит афильм "Ниурнберг" (арежиссиор Николаи Лебедев), имҩаԥысуеит афотоцәыргақәҵа "Ниурнбергтәи апроцесс". Мшаԥы 25 раахыс традициа ҳасабла имҩаԥыргоит акциа "Георгиевская лента". Урҭ аиҿкаарақәа русзуҩцәеи иара ус изҭахуи ирзыршоит. Аныҳәатә усқәа рҳәаа иҭагӡаны имҩаԥган "Аиааира адиктант". Федотов иазгәеиҭеит сынтәа Урыстәыла иазкыз азҵаарақәа инарываргыланы Аԥсни Аԥсны иалҵны еибашьуази ирызкыз азҵаарақәа шазгәаҭаз. Дмитри Федотов игәаанагарала, Аибашьра Ду ахҭысқәа рхамшҭра иахьатәи аамҭазы акыр аҵакы шеизҳаз. "Иахьа Украина имҩаԥысуа ахҭысқәа иудырбоит ауаа агәхашҭра шроуз", – иҳәеит иара. Акциақәеи аныҳәатә концерти Владислав Арӡынба ихьӡ зху Аибашьратә фырхаҵара аҳәынҭқарратә музеи адиректор Мзиа Беиаԥҳа илҳәеит лаҵара 6 асааҭ 11:00 рзы Аԥсны иҟоу Урыстәылатәи арратә база аҳаҭыртә ҟарул Аԥсны Атәылахьчара аминистрра арратә ҟараул ишрымардо Москва, Идырым асолдаҭ ибаҟаҟынтәи амца аҷыц. Лаҵара 9 рзы амцаԥшь аркхоит Аҟәа Идырым асолдаҭ ибаҟаҿы. Дмитри Федотов иҳәеит амца аҷыц Москвантәи Аҟәаҟа аволонтиорцәа ишаарго лаҵара 5 ауха. Иара убасгьы лаҵара 9 рзы ирыдныҳәалоит Аџьынџьтәылатә еибашьра Ду алахәылацәа. Асааҭ 19:00 рзы Аҳәынҭфилармониаҟны имҩаԥгахоит аныҳәатә концерт. Аиааира амш аҽны иара убасгьы Аҟәеи Гәылрыԥшьи имҩаԥгахоит маланыҟәала аицлабра "Иҭабуп аиааиразы". Инарҭбаау аинформациа ҟанаҵоит Россотрудничество асоциалтә ҳақәа рҟны.

https://sputnik-abkhazia.info/20230421/eshyra-30-la-inareiany-eiarait-aktsia-agalashara-abacha-aaaa-iragany--1045389701.html

https://sputnik-abkhazia.info/20230423/niurnbergti-aprotsess-iazku-atsyrgaa-aa-iddyrboit-aiaaira-amsh-alamalaz-1045402514.html

https://sputnik-abkhazia.info/20230428/aktsia-aiaaira-adiktant-70-yk-ryna-rkhy-aladyrkhit-asny-1045516377.html

https://sputnik-abkhazia.info/20230501/aktsia-sra-zym-arkha-asny-laara-9-rzy-imagakhoit-1045578184.html

2023

Ажәабжьқәа

ab_AB

ажәабжьқәа, акультура