Урыстәыла

Белгородтәи аобласт адиверсантцәа ралалара атерроризм афакт ала ашьаус хацыркуп

© Sputnik / Евгений Одиноков / Амедиаҵәахырҭахь аиасраГубернатор Хабаровского края С. Фургал доставлен в СК РФ
Губернатор Хабаровского края С. Фургал доставлен в СК РФ - Sputnik Аҧсны, 1920, 23.05.2023
Анапаҵаҩра
НовостиTelegram
Ашьаус хацыркуп Урыстәылатәи ашьаустә закәанеидкыла ахәҭаҷқәа 205, 317, 105, 167, 222 иара убас 222.1 инарықәыршәаны.
АҞӘА, лаҵара 23 – Spuitnik. Урыстәыла Ашьаусԥшааратә еилакы ашьаус хацнаркит ф-хәҭаҷк, Белгородтәи аобласт адиверсантцәа ралалара атерроризм афакт ала. Абри атәы аанацҳауеит аусбарҭа асаит.
"Урыстәылатәи ашьаустә закәанеидкыла ахәҭаҷқәа 205, 317, 105, 167, 222, 222.1 инарықәыршәаны ашьаус хацыркуп (атеррористтә акт, азинхьчаратә усбарҭақәа русзуҩцәа рыԥсҭазаара ашәарҭара аҭаргылараз, ашьра аҽазышәара, идырны амазара аимҵәара мамзаргьы ааха аҭара, закәаншьаҭада абџьари арҭҟәацгақәеи рхархәараз)", - ҳәа аҳәоит аацҳамҭаҿы.
Уажәы аусбарҭа аусзуҩцәа иҟалаз аҭагылазаашьеи ақәылаҩцәа рхаҭарақәеи ҭырҵаауеит.
Заанаҵтәи аҭҵаарақәа рыла, ашәахьа лаҵара 22 рзы украинатәи адиверсиа-ԥшыхәратә гәыԥ Белгородтәи аобласт, Граиворонтәи аокруг иалалеит. Дара миномиотлеи артиллериалеи административтә хыбрақәеи анхарҭатә ҩнқәеи иреихсит. Уи иахҟьаны аҭынч уааԥсыра еиуеиԥшым ахәрақәа роуит.
Президент РФ В. Путин принял участие в совещании судей судов общей юрисдикции, военных и арбитражных судов - Sputnik Аҧсны, 1920, 22.05.2023
Урыстәыла
Путин адырра ирҭеит украинатәи адиверсантцәа Белгородтәи аобласт ралалара шаԥырҟәҟәаау
Ажәабжьқәа зегьы
0